புதுக்கோட்டை ரெயில் நிலையத்தில் தண்டவாளத்தில் கொட்டி கிடந்த நெல்மணிகளால் பல மூட்டைகள் வீணாகியது. இதனை கண்டு விவசாயிகள் வேதனை அடைந்தனர்
சரக்கு ரெயில்
புதுக்கோட்டை ரெயில் நிலையத்தில் சரக்கு ரெயில்கள் நிறுத்தி இயக்க தனி தண்டவாள பாதை உள்ளது. புதுக்கோட்டைக்கு சரக்கு ரெயில்களில் வேகன்களில் கொண்டு வரப்படும் நெல், அரிசி, உரம், கோதுமை, சிமெண்டு மூட்டைகள் உள்ளிட்டவை அங்கிருந்து இறக்கி லாரிகளில் ஏற்றி அந்தந்த பகுதிகளுக்கு கொண்டு செல்லப்படும். இந்த நிலையில் காஞ்சீபுரம் உள்ளிட்ட பகுதிகளில் இருந்து விவசாயிகளிடம் கொள்முதல் செய்யப்பட்ட நெல் மணிகள் அரவைக்காக புதுக்கோட்டைக்கு சரக்கு ரெயில்களில் வேகன்களில் கொண்டு வரப்பட்டன. வேகன்களில் இருந்து இறக்கப்பட்ட மூட்டைகள் லாரிகள் மூலம் அரவைக்காக மில்களுக்கு அனுப்பி வைக்கப்பட்டன.
தண்டவாளத்தில் கொட்டப்பட்ட நெல்மணிகள்
இந்த நிலையில் சரக்கு ரெயில்களை நிறுத்தி வைத்து நெல் மணிகளை இறக்குவதில் வாடகை பிரச்சினை உருவானதாக கூறப்படுகிறது. குறிப்பிட்ட நேரத்திற்கு மேல் ஆனதால் வேகன்களில் இருந்த நெல் மணிகள் தண்டவாளத்தில் அருகேயும், தண்டவாளத்திலும் கொட்டப்பட்டன. கடந்த 2 நாட்களாக அவை அதே இடத்தில் கிடந்தது. அதனை தொழிலாளர்கள் மூலம் அள்ளி சாக்கு மூட்டைகளில் அடுக்கி லாரிகளில் ஏற்றி ஆலைகளுக்கு அனுப்பி வைக்கும் பணி நேற்று நடைபெற்றது.
இதற்கிடையில் தண்டவாளத்தில் கொட்டப்பட்ட நெல்மணிகள் பல மூட்டை கணக்கில் வீணாகி போகின. மேலும் திறந்தவெளியில் கொட்டப்பட்ட நெல் மணிகளை கால்நடைகள் தின்றன. விவசாயிகள் கடும் பாடுப்பட்டு விளைவித்த நெல் மணிகள் தண்டவாளத்தில் கொட்டப்பட்டு கிடந்ததை கண்டு சமூக ஆர்வலர்கள் மற்றும் விவசாயிகள் கண்டு வேதனை அடைந்தனர். இதுபோன்று வீணாக்காமல் அதனை முறையாக மூட்டைகளில் அள்ளி பயன்படுத்த நடவடிக்கை எடுக்க வேண்டும் என்று அவர்கள் கோரிக்கை விடுத்து உள்ளனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.