புதுக்கோட்டை சமஸ்தானமாக இருக்கும் பொழுது அரிமளம் பெரிய ஊராக இருந்தது. பொற்குடையான் ஊரணியில் விடப்படும் தெப்பம் மிகவும் பிரசித்தி பெற்றது. பாண்டிய நாட்டிற்கு கடைசி ஊராகவும், சோழ நாட்டிற்கு தொடக்க ஊராகவும் அரிமளம் இருந்து வந்துள்ளது. கோவில்கள் மற்றும் குளங்கள் அதிகம் உள்ள ஊர் அரிமளம். அரிமளவாயில் என்பது நாளடைவில் மருவி அரிமளம் என அழைக்கப்பட்டு வருகிறது.
அரிமளம் பேரூராட்சி புதுக்கோட்டையிலிருந்து 18 கி.மீ. தொலைவில் உள்ளது. இங்கு ஜெய விளங்கி அம்மன், மீனாட்சி சுந்தரேஸ்வரர் கோவில், கோடகநல்லூர் சுந்தர சுவாமிகள் கோவில் மிகவும் பிரசித்தி பெற்றதாகும். 1956-ம் ஆண்டு திருச்சி மாவட்டமாக இருந்த போது அரிமளம் பேரூராட்சி செயல்பட்டு வந்தது. 1972-ம் ஆண்டு புதுக்கோட்டை மாவட்டம் திருச்சி மாவட்டத்தில் இருந்து பிரிக்கும் போது அரிமளம் பேரூராட்சி தொடர்ந்து செயல்பட்டு வந்தது. அரிமளம் பேரூராட்சியில் ஆண்கள் 3,564 பேரும் பெண்கள் 3,855 பேரும், 3-ம் பாலினத்தவர் ஒருவர் என மொத்தம் 7,420 வாக்காளர்கள் உள்ளனர். ஆண் வாக்காளர்களை விட பெண்கள் அதிகளவில் உள்ளனர்.
அரிமளம் பேரூராட்சியில் 15 வார்டுகள் உள்ளன. இதில் வார்டு உறுப்பினர் பதவிக்கு 78 பேர் வேட்புமனு தாக்கல் செய்துள்ளனர். இதில் அனைத்து மனுக்களும் ஏற்றுக்கொள்ளப்பட்டு உள்ளன.
தி.மு.க.- அ.தி.மு.க. இடையே கடும் போட்டி
அரிமளம் பேரூராட்சி தலைவர்களாக அண்ணாமலை, முத்துவீரப்பன், கருப்பாயி வெள்ளைச்சாமி, சீதாலட்சுமி காசி, சோமு, மாரியப்பன் ஆகியோர் பதவி வகித்து உள்ளனர். தற்போது நடைபெறும் உள்ளாட்சி தேர்தலில் அரிமளம் பேரூராட்சியை கைப்பற்ற தி.மு.க.- அ.தி.மு.க. இடையே கடும் போட்டி நிலவுகிறது. இதனால் தேர்தல் களம் சூடுபிடிக்க தொடங்கி உள்ளது. இந்த பேரூராட்சியில் விவசாயம் பிரதான தொழிலாக உள்ளது. மேலும், நர்சரி கார்டன் தொழிலில் ஏராளமானோர் ஈடுபட்டு வருகிறார்கள். அரிமளம் பேரூராட்சி பகுதியில் அதிகளவு தைல மரக்காடுகள் இருப்பதால் விவசாயத்திற்கு தேவையான தண்ணீர் போதுமான அளவு கிடைப்பதில்லை. இந்த பேரூராட்சியில் சாலை வசதி, தெருவிளக்கு வசதி, குடிநீர் வசதி ஏற்படுத்தி தர வேண்டும் என்பது இப்பகுதி மக்களின் நீண்டநாள் கோரிக்கையாக உள்ளது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.