நாகை கீச்சாங்குப்பம் சேவாபாரதி பகுதியை சேர்ந்தவர் சிவா (வயது 34). இவருக்கு சொந்தமான விசைப்படகில் அதே பகுதியை சேர்ந்த சின்னதுரை(60), சிவபாரதி(27), சவுந்தர்ராஜன்(34), நாகை நம்பியார் நகரை சேர்ந்த பிரகாஷ்(35), செல்வம்(45), அக்கரைப்பேட்டையை சேர்ந்த செல்வநாதன்(29), ரெத்தினசாமி(34), சந்திரபாடியை சேர்ந்த அய்யப்பன்(40), முருகேசன்(55) ஆகிய 9 மீனவர்கள் நேற்று முன்தினம் காலை 9 மணியளவில் நாகை துறைமுகத்தில் இருந்து கடலுக்கு மீன்பிடிக்க சென்றனர்.
புதுச்சேரி மாநிலம் காரைக்காலை அடுத்த கோட்டுச்சேரிமேடு மீனவ கிராமத்தை சேர்ந்தவர் வீரமணி(35). இவருக்கு சொந்தமான விசைப்படகில் அவரும், காரைக்காலை சேர்ந்த செல்வமணி(45), ரமேஷ்(34), திலீபன்(17), சுரேஷ்(34) என 5 பேரும், நாகையை சேர்ந்த கோகுல்(21), கிஷோர்(20), ஆறுமுகசாமி(58), சத்தியநாதன்(22), இளவரசன்(23), மயிலாடுதுறையை சேர்ந்த நவீன்குமார்(27), பால் மணி(32), கவியரசன்(24) ஆகிய 8 மீனவர்களும் காரைக்கால் துறைமுகத்தில் இருந்து மீன்பிடிக்க சென்றனர்.
இவர்கள் மாலையில் கோடியக்கரையின் தென்கிழக்கே மீன்பிடித்துக் கொண்டிருந்தனர். அப்போது அங்கு கப்பலில் வந்த இலங்கை கடற்படையினர், எல்லை தாண்டி வந்து மீன் பிடித்ததாக கூறி நாகை, காரைக்கால் மீனவர்கள் 22 பேரையும் கைது செய்தனர். மேலும் அவர்கள் வந்த 2 படகுகளையும் பறிமுதல் செய்தனர்.
பின்னர் மீனவர்கள் 22 பேரையும் இலங்கை யாழ்ப்பாணம் மயிலிட்டி மீன்பிடி துறைமுகத்திற்கு அழைத்து சென்றனர். அங்கு அவர்களுக்கு கொரோனா பரிசோதனை செய்யப்பட்டது. இதை தொடர்ந்து அவர்களை யாழ்ப்பாணம் மீன்வளத்துறை அதிகாரிகளிடம், இலங்கை கடற்படையினர் ஒப்படைத்தனர். இதையடுத்து நாகை, காரைக்கால் மீனவர்களை ஊர்க்காவல் துறை நீதிமன்றத்தில் ஆஜர்படுத்தி யாழ்ப்பாணம் சிறையில் அடைத்தனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.