புதுக்கோட்டை மாவட்டத்தில் சர்வதேச மகளிர் தினத்தை முன்னிட்டு நடைபெற்ற போட்டிகளில் வெற்றி பெற்ற மகளிர் சுயஉதவிக் குழு உறுப்பினர்களுக்கு மாவட்ட ஆட்சித்தலைவர் திருமதி.கவிதா ராமு, இ.ஆ.ப, அவர்கள் பாராட்டுச் சான்றிதழ் மற்றும் பரிசுகளை வழங்கினார்.
புதுக்கோட்டை மாவட்ட ஆட்சியரகக் கூட்டரங்கில், தமிழ்நாடு மாநில ஊரக வாழ்வாதார இயக்கத்தின் சார்பில், சர்வதேச மகளிர் தினத்தை முன்னிட்டு நடைபெற்ற போட்டிகளில் வெற்றி பெற்ற மகளிர் சுயஉதவிக் குழு உறுப்பினர்களுக்கு மாவட்ட ஆட்சித்தலைவர் திருமதி.கவிதா ராமு, இ.ஆ.ப, அவர்கள் பாராட்டுச் சான்றிதழ் மற்றும் பரிசுகளை இன்று (08.03.2022) வழங்கினார்.
மேலும், இன்றைய சூழலில் பெண்கள் அனைத்து துறைகளிலும் கால்பதித்து வருகின்றனர். இந்த வருடத்தில் நம்முடைய இலக்கு என்பது ஆண், பெண் சமத்துவம் மற்றும் சமூகத்தில் நிலையான வளர்ச்சி (Sustainable Growth & Development) என்பதை உணர்ந்து தங்களது பகுதிகளில் உள்ள மகளிர் சுய உதவிக் குழுக்கள், கிராம பஞ்சாயத்து மற்றும் ஊராட்சி அளவிலான கூட்டமைப்புகள் மூலமாக சமத்துவம் மற்றும் நீடித்த நிலையான வளர்;ச்சிக்கு உறுதுணையாக இருக்க வேண்டும். அதற்கு இன்று முதல் உறுதியெடுத்து நடைமுறைபடுத்துவோம் என மாவட்ட ஆட்சித்தலைவர் திருமதி.கவிதா ராமு, இ.ஆ.ப, அவர்கள் தெரிவித்தார்.
மேலும், மகளிர் தின விழாவினை முன்னிட்டு மாவட்ட அளவில் மகளிர் சுய உதவிக்குழுக்களுக்கு நடத்தப்பட்ட பேச்சுப்போட்டி, பாட்டு போட்டி, கோலப் போட்டி, ஓவியப் போட்டி, நாடகப் போட்டி மற்றும் உணவு தயாரித்தல் போட்டி ஆகியவற்றில் வெற்றி பெற்ற மகளிர் சுய உதவிக்குழு உறுப்பினர்களுக்கு மாவட்ட ஆட்சித்தலைவர் அவர்கள் பரிசுகள் மற்றும் பாராட்டு சான்றிதழ்கள் வழங்கினார்.
பின்னர் மாவட்ட ஆட்சியரக வளாகத்தில், மகளிர் சுய உதவிக்குழுவினரின் சிறுதானியம் விற்பனை நிலையத்தினை, மாவட்ட ஆட்சித்தலைவர் அவர்கள் திறந்து வைத்தார்.
புதுக்கோட்டை மாவட்ட ஆட்சியரகக் கூட்டரங்கில், மாவட்ட நிர்வாகத்தின் சார்பில், சர்வதேச மகளிர் தின விழாவினை மாவட்ட ஆட்சித்தலைவர் திருமதி.கவிதா ராமு, இ.ஆ.ப, அவர்கள் அரசு அலுவலர்களுடன் கொண்டாடினார்கள்.
இந்நிகழ்வுகளில் மாவட்ட வருவாய் அலுவலர் மா.செல்வி, மாவட்ட இயக்க மேலாண்மை அலகு திட்ட இயக்குநர் ரேவதி, மாவட்ட ஆட்சியரின் நேர்முக உதவியாளர் (வளர்ச்சி) தமிழ்செல்வி, மாவட்ட ஆட்சியரின் நேர்முக உதவியாளர் (பொது) து.தங்கவேல், வருவாய் கோட்டாட்சியர் (பொ) கருணாகரன், மாவட்ட தொழில்மைய பொது மேலாளர் திரிபுரசுந்தரி, மாவட்ட மத்திய கூட்டுறவு வங்கி மேலாண்மை இயக்குநர் மு.தனலெட்சுமி, உதவித்திட்ட அலுவலர்கள், மகளிர் சுய உதவிக்குழு உறுப்பினர்கள் மற்றும் அலுவலர்கள் கலந்துகொண்டனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.