புதுக்கோட்டை மாவட்டத்தில் வடகாடு மற்றும் மாங்காடு சுற்று வட்டார பகுதிகளில் விளையும் பலாப்பழங்கள் மிகுந்த சுவையுடன் இருக்கும் என்பதால் இப்பகுதிகளில் உள்ள கமிஷன் கடை மற்றும் பலா வியாபாரிகள் மூலமாக உள்ளூர் மட்டுமின்றி திருச்சி, மதுரை, கும்பகோணம், திருவாரூர், சென்னை, கோவை, சேலம் உள்ளிட்ட பிற மாவட்டங்கள் மற்றும் மும்பை, ஆந்திரா உள்ளிட்ட வெளி மாநிலங்களுக்கு அனுப்பப்பட்டு வருகிறது. மேலும் குவைத், சவூதி, துபாய் போன்ற வெளிநாடுகளுக்கும் ஏற்றுமதி செய்யப்படுகிறது.
கடந்த 2018-ம் ஆண்டு வீசிய கஜா புயல் காரணமாக அனைத்து பலா மரங்களும் சேதம் அடைந்தன. இதையடுத்து, பலா மரங்கள் மீண்டும் துளிர்த்து வளரத்தொடங்கின. கடந்த 3 ஆண்டுகளாக இந்த மரங்களில் பலாப்பழங்கள் காய்க்கத்தொடங்கின. இருப்பினும் கொரோனா தொற்று காரணமாக கடந்த 2 ஆண்டுகளாக பலாப்பழங்களை விற்பனை செய்ய முடியாமல் விவசாயிகள் தவித்து வந்தனர். இந்த ஆண்டு தான் பலாப்பழங்கள் அதிகளவில் விற்பனை செய்யப்பட்டு வருகிறது. இதனால் வடகாடு பகுதியில் பலாப்பழங்கள் குவித்து வைக்கப்பட்டு உள்ளன.
விலை சரிவு
இந்தநிலையில் பண்ருட்டி மற்றும் கேரளா போன்ற பகுதிகளில் இருந்தும் பலாப்பழங்கள் அதிகளவில் வரத்தொடங்கி இருப்பதால் விற்பனை விலை சற்று சரிந்து இருப்பதாக வியாபாரிகள் தெரிவித்து வருகின்றனர். வடகாடு மற்றும் மாங்காடு சுற்று வட்டார பகுதிகளில் விளையும் பலாப்பழங்களை விவசாயிகளிடம் இருந்து கிலோ ரூ.8 முதல் ரூ.15 வரை கொள்முதல் செய்யப்படுகிறது. இதேபோல் சிறிய பலா ரூ.50 முதல் ரூ.100 வரையும், பெரிய பலாவை ரூ.250 முதல் ரூ.300 வரை வியாபாரிகள் ஏலம் மூலம் வாங்கி செல்கின்றனர்.
எனவே விவசாயிகளின் நலன் கருதி இப்பகுதிகளில் குளிர் பதன கிட்டங்கி மற்றும் மதிப்பு கூட்டுதல் முறைகளை செயல்படுத்த அரசு முன்வர வேண்டும் என்று விவசாயிகள் கோரிக்கை விடுத்து உள்ளனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.