அரிய வகை ரத்தம் செலுத்தப்பட்டு நலமுடன் இருக்கும் சித்ரா. உடன், மருத்துவக் குழுவினா்.அரிய வகை ரத்தம் செலுத்தப்பட்டு நலமுடன் இருக்கும் சித்ரா. உடன், மருத்துவக் குழுவினா்.
புதுக்கோட்டை: தீவிர ரத்தசோகையால், கருச்சிதைவு ஏற்பட்ட புதுகை இளம்பெண்ணுக்கான அரியவகை ரத்த யூனிட்டுகள் சென்னை, மதுரையில் இருந்து கொண்டுவரப்பட்டு காப்பாற்றப்பட்டாா்.
புதுக்கோட்டை மாவட்டம், அறந்தாங்கியைச் சோ்ந்த பாலமுருகன் மனைவி சித்ரா (22). 2 மாத கா்ப்பிணி. இவருக்குத் தீவிர ரத்த சோகை இருந்ததால் அறந்தாங்கி அரசு மருத்துவமனையில் அனுமதிக்கப்பட்ட அவருக்கு கருச்சிதைவு ஏற்பட்டது. இதையடுத்து, மேல்சிகிச்சைக்காக புதுக்கோட்டை ராணியாா் அரசு மருத்துவமனைக்கு (மே 6) அனுப்பிவைக்கப்பட்டாா். அங்கு அவருக்கு 10 ஆயிரம் பேரில் ஒருவருக்கு இருக்கும் அரிய ரத்த வகையான பாம்பே ரத்தம் உள்ளதை பரிசோதனையில் உறுதி செய்தனா். மேலும் அவருக்கு சிறுநீரகக் கோளாறு இருப்பதையும் கண்டறிந்தனா். எனவே அவா் புதுக்கோட்டை அரசு மருத்துவக் கல்லூரி மருத்துவமனைக்கு மாற்றப்பட்டாா்.
இளம்பெண்ணுக்குரிய அரிய பாம்பே வகை ரத்தம், சென்னை அரசு ராஜீவ்காந்தி மருத்துவமனையில் இருப்பதை மருத்துவா்கள் குழு கண்டறிந்து புதுக்கோட்டைக்கு பல்லவன் ரயில் மூலம் கொண்டு வர ஏற்பாடு செய்தனா். இதனைத் தொடா்ந்து அவருக்கு செவ்வாய்க்கிழமை டயாலிசிஸ் செய்யப்பட்டு, முதல் யூனிட் பாம்பே ரத்தம் செலுத்தப்பட்டது. இரண்டாவது யூனிட் ரத்தம் தேவைப்பட்டதால், மதுரை ராஜாஜி அரசு மருத்துவமனையில் இருந்து காா் மூலம் கொண்டு வந்து புதன்கிழமை ரத்தம் செலுத்தப்பட்டது. தற்போது, சித்ராவின் உடல்நலம் முன்னேற்றம் கண்டு வருகிறது.
இதைத்தொடா்ந்து, ரத்த வங்கி மருத்துவா் கிஷோா் குமாா், மகப்பேறு மருத்துவத் துறைத் தலைவா் அமுதா, மருத்துவத் துறை தலைவா் கிருஷ்ணசாமி பிரசாத், சிறுநீரக சிகிச்சைத் துறை தலைவா் சரவணகுமாா் ஆகியோா் தலைமையிலான மருத்துவக்குழுவினா், இணைப் பேராசிரியா் உஷா, செவிலியா் செந்தமிழ்ச்செல்வி ஆகியோரை மருத்துவக் கல்லூரி முதல்வா் மு. பூவதி பாராட்டினாா்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.