கல்லூரி மாணவியை கற்பழிக்க முயன்றவருக்கு 10 ஆண்டுகள் சிறை தண்டனை விதித்து புதுக்கோட்டை மகிளா கோர்ட்டு தீர்ப்பளித்தது.
புதுக்கோட்டை மாவட்டம் மண்டையூர் அருகே அரிசிகாடு பகுதியை சேர்ந்தவர் சசிக்குமார் (வயது 40). இவர் கடந்த 2020-ம் ஆண்டு டிசம்பர் மாதம் 30-ந் தேதி 20 வயதுடைய கல்லூரி மாணவி ஒருவரை அப்பகுதியில் உள்ள மளிகை கடைக்கு பொருட்கள் வாங்க வந்த போது கீழே தள்ளிவிட்டு, கற்பழிக்க முயன்றார். இது தொடர்பாக கீரனூர் அனைத்து மகளிர் போலீசார் வழக்குப்பதிவு செய்து சசிக்குமாரை கைது செய்தனர். இந்த வழக்கு புதுக்கோட்டை மகிளா கோர்ட்டில் நடைபெற்று வந்தது. வழக்கை விசாரித்த நீதிபதி சத்யா நேற்று தீர்ப்பு வழங்கினார். இதில் பெண்ணை கற்பழிக்க முயன்ற சசிக்குமாருக்கு 7 ஆண்டுகள் சிறை தண்டனையும், ரூ.1 லட்சம் அபராதமும், அபராத தொகை கட்டத்தவறினால் மேலும் ஓராண்டு சிறை தண்டனையும், பெண்ணை இழிவுப்படுத்தியதற்காக 3 ஆண்டுகள் சிறை தண்டனையும், அபராதம் ரூ.30 ஆயிரமும், அபராத தொகை கட்டத்தவறினால் மேலும் ஓராண்டு சிறை தண்டனையும் விதித்தார். மேலும் இந்த தண்டனைகளை ஒன்றன் பின் ஒன்றாக அனுபவிக்க உத்தரவிட்டார்.
சிறையில் அடைப்பு
இதைத்தொடா்ந்து அவருக்கு மொத்தம் 10 ஆண்டுகள் சிறை தண்டனையும், ரூ.1 லட்சத்து 30 ஆயிரம் அபராதம் விதிக்கப்பட்டுள்ளது. மேலும் பாதிக்கப்பட்ட பெண்ணிற்கு இழப்பீட்டு தொகை வழங்க அரசுக்கு நீதிபதி பரிந்துரை செய்துள்ளார். இதையடுத்து சசிக்குமாரை திருச்சி மத்திய சிறையில் அடைக்க போலீசார் வேனில் பாதுகாப்புடன் அழைத்து சென்றனர். இந்த வழக்கில் அரசு தரப்பில் வக்கீல் யோகமலர் ஆஜராகி வாதாடினார்.
தண்டனை பெற்ற சசிக்குமார் மீது ஏற்கனவே போக்சோ வழக்கு ஒன்று உள்ளது. இந்த வழக்கில் அவர் கைதாகி ஜாமீனில் வந்த போது தான் பெண்ணை கற்பழிக்க முயன்றிருக்கிறார். இதில் கைதான அவர் சிறையில் அடைக்கப்பட்ட நிலையில் போக்சோ வழக்கில் 8 ஆண்டுகள் சிறை தண்டனை மகிளா கோர்ட்டில் வழங்கப்பட்டது குறிப்பிடத்தக்கது. அந்த வழக்கிலும் அவர் தற்போது சிறை தண்டனை அனுபவிக்கிறார். தற்போது 2-வது வழக்கில் 10 ஆண்டுகள் சிறை தண்டனை விதிக்கப்பட்டுள்ளது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.