பிரசித்தி பெற்ற ஆத்மநாதசாமி கோவில் அமைந்துள்ள
ஆவுடையார்கோவிலில் சுற்றுலா தலம் அமைக்க திட்டம்
பிரசித்தி பெற்ற ஆத்மநாதசாமி கோவில் அமைந்துள்ள ஆவுடையார்கோவிலில் சுற்றுலா தலம் அமைக்க அதிகாரிகள் திட்டமிட்டு வருகின்றனர்.
ஆத்மநாதசாமி கோவில்
புதுக்கோட்டை மாவட்டத்தில் பிரசித்தி பெற்ற கோவில்கள் ஏராளமாக உள்ளன. அதில் ஒன்று ஆவுடையார்கோவிலில் அமைந்துள்ள ஆத்மநாதசாமி கோவில் ஆகும். மாணிக்கவாசகரால் இக்கோவில் கட்டப்பட்டது. இங்கு தான் மாணிக்கவாசகர் திருவாசகம் இயற்றினார். மூலவராக ஆதி அந்தம் இல்லாத ஆதிசிவன் ஆத்மநாதராகவும், தாயாரான பார்வதி யோகாம்பாளாகவும் காட்சி தருகின்றனர். இந்த கோவிலில் உள்ள சிவபெருமான், வடிவம் இல்லாமல் தலவிருட்சமான குருந்தமர வடிவில் குடிகொண்டுள்ளார்.
இந்த குருந்தமரம் வடமேற்கு மூலையில் அமைந்துள்ளது. இந்த கோவிலில் சதுர வடிவ ஆவுடையார் மட்டுமே கருவறையில் அமைந்துள்ளது. அதன் மீது ஒரு குவளை சாத்தப்பட்டுள்ளது. இவ்வாறு குவளையை உடலாகவும், அதற்கு உள்ளே இருப்பது ஆத்மாவாகவும் கருதப்படுகிறது. இவ்வாறு உடலுக்குள் இருக்கும் ஆத்மாவை காப்பவராக இந்த ஈசனை ஆத்மநாத ஈஸ்வரன் என்று அழைக்கப்படுவது உண்டு. கோவில் கருவறையில் ஈசன் அரூபமாகவும், அருவுருவமாக குருந்த மர வடிவிலும், உருவமாக மாணிக்கவாசகர் ரூபத்திலும் இருக்கின்றனர். பழமையான இக்கோவிலில் வழிபாடு நடத்த ஏராளமான பக்தர்கள் வருகை தருவது உண்டு.
சுற்றுலா தலம்
இந்த நிலையில் ஆவுடையார்கோவிலில் அமைந்துள்ள பிரசித்தி பெற்ற இக்கோவிலுக்கு மேலும் பெருமை சேர்க்கும் வகையிலும், பொதுமக்கள் மற்றும் பக்தர்கள் வருகையை அதிகரிக்க செய்யும் வகையிலும், பொழுதுபோக்கு அம்சங்களுடன் ஒரு சுற்றுலா தலம் அமைக்க அதிகாரிகள் திட்டமிட்டுள்ளனர்.
இதற்காக கோவில் அருகே அல்லது சற்று தூரத்தில் அடிப்படை வசதிகளுடன் கூடிய பூங்கா மற்றும் பொழுதை கழிக்கும் வகையில் சிறுவர்களுக்கான விளையாட்டு உபகரணங்கள் மற்றும் பொதுமக்கள் அமரும் வகையில் சுற்றுலா தலம் அமைக்க ஆலோசித்து வருகின்றனர். இதற்கான ஒப்புதல் கிடைத்ததும் பணிகள் தொடங்கப்படலாம் என எதிர்பார்க்கப்படுகிறது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.