நகைகள் திருட்டு
புதுக்கோட்டை எழில்நகரை சேர்ந்தவர் சேதுராமன். இவரது மனைவி ராஜேஸ்வரி (வயது 63). இவர்கள் வசித்து வரும் வீட்டில் பராமரிப்பு பணி மேற்கொள்ளப்பட வேண்டி உள்ளது. இதனால் வீட்டை பூட்டி விட்டு அருகில் உள்ள வாடகை வீட்டில் தங்கியுள்ளனர். இந்த நிலையில் சம்பவத்தன்று இரவு ராஜேஸ்வரியின் பூட்டிய வீட்டிற்குள் பின்பக்கமாக கதவின் பூட்டினை உடைத்து மர்ம நபர்கள் நுழைந்துள்ளனர்.
மேலும் பீரோவில் இருந்த 18 பவுன் நகைகள், 300 கிராம் வெள்ளி பொருட்களை மர்ம நபர்கள் திருடி விட்டு தப்பியோடினர். இந்த நிலையில் மறுநாள் காலையில் வீட்டிற்கு உரிமையாளர்கள் வந்த போது பீரோ திறந்து கிடந்ததும், அதில் இருந்த நகைகள் திருட்டு போனதையும் கண்டு அதிர்ச்சியடைந்தனர். இது குறித்து திருக்கோகர்ணம் போலீசாருக்கு அவர்கள் தகவல் தெரிவித்தனர். தகவல் அறிந்ததும் போலீசார் விரைந்து வந்து விசாரணை நடத்தினர்.
போலீசார் விசாரணை
இதற்கிடையில் மோப்பநாயும் வரவழைக்கப்பட்டு சோதனை நடத்தப்பட்டது. நாய் சிறிது தூரம் சென்று நின்றது. யாரையும் கவ்வி பிடிக்கவில்லை. விரல் ரேகை நிபுணர்களும் வரவழைக்கப்பட்டு தடயங்களை சேகரித்தனர். வீட்டில் ஆள் இல்லாததை நோட்டமிட்டு மர்மநபர்கள் தங்களது கைவரிசையை காட்டியது தெரியவந்தது. இது தொடர்பாக திருக்கோகர்ணம் போலீசார் வழக்குப்பதிவு செய்து விசாரணை நடத்தி வருகின்றனர். மேலும் நகைகளை திருடிய மர்மநபர்களை போலீசார் வலைவீசி தேடி வருகின்றனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.