சவுதிஅரேபியாவில் மர்மமான முறையில் இறந்த வாலிபர் உடலை இந்தியாவுக்கு கொண்டு வர வேண்டும் என அவருடைய தந்தை கோரிக்கை விடுத்துள்ளார். மனு கொடுத்து 12 நாட்கள் ஆகியும் எந்த நடவடிக்கையும் எடுக்காததால் அவருடைய குடும்பத்தினர் சோகத்தில் உள்ளனர்.
ஊராட்சி மன்ற தலைவர்
தஞ்சை மாவட்டம் ஒரத்தநாடு அருகே குலமங்கலத்தை சேர்ந்தவர் வேலாயுதம் (வயது70), ஊராட்சி மன்ற தலைவராக உள்ளார். இவர் தஞ்சை மாவட்ட கலெக்டர் அலுவலகத்தில் கடந்த 10-ந் தேதி ஒரு மனு கொடுத்துள்ளார். அந்த மனுவில் கூறியிருப்பதாவது:-
எனது இளைய மகன் ஜெயராஜ் (32), அவருக்கு திருமணமாகி கண்ணகி என்ற மனைவியும், ஜெயஸ்ரீ (4) என்ற மகளும் உள்ளனர். ஜெயராஜ் கடந்த 2018-ம் ஆண்டு சவுதி அரேபியா நாட்டில் உள்ள தம்மம் பகுதியில் கட்டிட பணிக்காக சென்றார்.
கட்டிட பணிக்கு
இந்நிலையில் கடந்த அக். 9-ந் தேதி எனது மருமகள் கண்ணகிக்கு, சவுதிஅரேபியா நாட்டின் தூதரகத்தின் அதிகாரிகள் போன் செய்து, ஜெயராஜ் இறந்துவிட்டதாகவும், குளியலறையில் தூக்கு மாட்டி இறந்தது போன்று ஒரு புகைப்படத்தையும் அனுப்பியுள்ளனர். அதன்பிறகு அங்கிருந்து எந்தவித தகவலும் இல்லை.
எனது மகனின் இறப்பில் சந்தேகம் எழுந்துள்ளது, இது தொடர்பாக இந்திய தூதரக அதிகாரிகள் உரிய விசாரணை நடத்தி எனது மகனின் உயிரிழப்புக்கு காரணமானவர்கள் மீது நடவடிக்கை வேண்டும். மேலும், சவுதி அரேபியாவில் உள்ள எனது மகனின் உடலை இந்தியா கொண்டு வர வேண்டும் என அந்த மனுவில் கூறப்பட்டுள்ளது.
குடும்பத்தினர் சோகம்
தற்போது மனு கொடுத்து 12 நாட்களாகியும் மாவட்ட நிர்வாகம் சார்பில் எந்தவித நடவடிக்கையும் எடுக்கவில்லை என்பதால் ஜெயராஜின் குடும்பத்தினர் சோகத்தில் மூழ்கியுள்ளனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.