அன்னவாசல் அருகே பாம்பு மீது ஏறாமல் இருக்க சரக்கு வேனை திருப்பியபோது கார் மீது நேருக்கு நேர் மோதியது. இந்த விபத்தில் 4 பேர் படுகாயம் அடைந்தனர்.
கார் மீது சரக்கு வேன் மோதல்
புதுக்கோட்டை மாவட்டம் செம்பாட்டூரை சேர்ந்தவர் பார்த்தசாரதி. இவரது மனைவி கிருத்திகா (வயது 37). இவர்களுக்கு யோகபிரமிளின் (12), லேகாஸ்ரீ (8) ஆகிய 2 மகள்கள் உள்ளனர். இந்தநிலையில் கிருத்திகா தனது மகள்களுடன் ஒரு காரில் வெளியூர் சென்றுவிட்டு செம்பாட்டூர் சென்று கொண்டிருந்தார். காரை அவரது சகோதரர் கார்த்திக்கேயன் ஓட்டியுள்ளார்.
அன்னவாசல் இடையர்தெருவை சேர்ந்த பழனி (43) என்பவர் அன்னவாசலில் இருந்து இலுப்பூர் நோக்கி சரக்கு வேனில் சென்று கொண்டிருந்தார். அன்னவாசல் அருகே செங்கப்பட்டி கோவில் அருகே சென்றபோது சாலையில் சென்ற பாம்பு மீது ஏறாமல் இருக்க பழனி தனது சரக்கு வேனை திருப்பியபோது எதிர்பாராதவிதமாக கார் மீது நேருக்கு நேர் மோதியது.
4 பேர் படுகாயம்
இந்த விபத்தில் கார் அப்பளம்போல் நொறுங்கியது. இதில் காரில் பயணம் செய்த கிருத்திகா, யோகபிரமிளின், லேகாஸ்ரீ, சரக்கு வேன் டிரைவர் பழனி (43) ஆகிய 4 பேர் படுகாயம் அடைந்தனர். இதையடுத்து அந்தவழியாக சென்றவர்கள் படுகாயமடைந்த 4 பேரையும் மீட்டு அன்னவாசல் அரசு மருத்துவமனை மற்றும் புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்தனர். அங்கு அவர்களுக்கு டாக்டர்கள் தீவிர சிகிச்சை அளித்து வருகிறார்கள். இந்த விபத்து குறித்து அன்னவாசல் போலீசார் சரக்கு வேன் டிரைவர் பழனி மீது வழக்குப்பதிவு செய்து விசாரணை நடத்தி வருகின்றனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.