பா.ஜனதா சிறுபான்மை பிரிவு தேசிய செயலாளர் வேலூர் இப்ராகிம், புதுக்கோட்டை கிழக்கு மாவட்ட தலைவர் செல்வம் அழகப்பன் மற்றும் நிர்வாகிகள் புதுக்கோட்டையில் மாவட்ட போலீஸ் சூப்பிரண்டு அலுவலகத்தில் போலீஸ் சூப்பிரண்டு வந்திதா பாண்டேவை நேற்று சந்தித்து மனு அளித்தனர். அதில் மத்திய அரசு சிறுபான்மையினருக்காக செய்த நலத்திட்டங்கள் குறித்து மணமேல்குடி, கோட்டைப்பட்டினம் பகுதியில் பா.ஜனதா சிறுபான்மை பிரிவு சார்பில் பிரசாரம் செய்ய அனுமதிக்க வேண்டும் என கோரி தெரிவித்திருந்தனர். மேலும் வேலூர் இப்ராகிம் நிருபர்களிடம் கூறுகையில், ராமநாதபுரம் நாடாளுமன்ற தொகுதி தேர்தல் பொறுப்பாளராக நான் நியமிக்கப்பட்டுள்ளேன். மணமேல்குடி, கோட்டைப்பட்டினம் பகுதியில் கிறிஸ்தவர்கள், முஸ்லிம் மக்களை சந்தித்து சிறுபான்மையினருக்காக மத்திய அரசின் 14 திட்டங்கள் பற்றி பிரசாரம் மேற்கொள்ள அனுமதி மறுக்கப்படுகிறது. கோட்டைப்பட்டினம் பகுதியை சேர்ந்த சில அமைப்பினர் மிரட்டல் விடுக்கின்றனர். அவர்களை கைது செய்வதை விட்டு, என்னை அங்கு செல்லவிடாமல் பயங்கரவாத அச்சுறுத்தல் இருப்பதாக கூறி முன்னெச்சரிக்கையாக கைது செய்கின்றனர். அங்கு சென்று தேசிய கொடியையும், கட்சி கொடியையும் ஏற்றுவோம். வருகிற நாடாளுமன்ற தேர்தலில் ராமநாதபுரம் தொகுதியில் தாமரை வெல்லும். பயங்கரவாத சக்திகளை போலீசார் கைது செய்ய வேண்டும். தமிழகத்தில் சட்டம்-ஒழுங்கு கெட்டுவிட்டது. கோவையில் நடந்ததை போல் கோட்டைப்பட்டினம் வரை கொண்டு வர, அரசியல் லாபத்திற்காக முயற்சி நடக்கிறதோ? என்பது தான் எங்கள் கேள்வி. ஜனநாயகத்தின் குரல் வளையை நெரிக்காமல் எங்களது பிரசாரத்திற்கு அனுமதி அளியுங்கள். அனுமதி அளிக்காவிட்டால் 2024-ம் ஆண்டு நாடாளுமன்ற தேர்தலில் மக்கள் மரண அடி தருவார்கள். நாங்கள் மக்களை நம்பி இருக்கிறோம். தீவிரவாத அச்சுறுத்தலுக்கு அஞ்சமாட்டோம் என்றார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.