தஞ்சாவூர்
சேதுபாவாசத்திரம் அருகே இயற்கை உரத்துக்காக வயல்களில் விவசாயிகள் ஆட்டுக்கிடை போட்டு வருகிறார்கள். இதன் மூலம் மண் வளம் அதிகரிப்பதாக விவசாயிகள் மகிழ்ச்சி தெரிவிக்கிறார்கள்.
நெற்களஞ்சியம்
தமிழகத்தின் நெற்களஞ்சியமாக ஒருங்கிணைந்த தஞ்சை மாவட்டம் (தஞ்சை, திருவாரூர், நாகை, மயிலாடுதுறை) திகழ்கிறது. காவிரி ஆறு கரை புரண்டோடும் இந்த டெல்டா மாவட்டங்களில் நெல் சாகுபடி பரவலாக மேற்கொள்ளப்பட்டு வருகிறது. அதேபோல வாழை, கரும்பு, தென்னை, உளுந்து மற்றும் பயறு வகை பயிர்கள் பயிரிடப்பட்டு வருகின்றன. ஆங்காங்கே காய்கறி, பூ வகை பயிர்களும் சாகுபடி செய்யப்படுகிறது.
காவிரி டெல்டா மாவட்டங்களில் குறுவை, சம்பா, தாளடி என ஆண்டுக்கு 3 போகம் நெல் விளைவிக்கப்படுகிறது. நெல் சாகுபடி முடிந்த பிறகு ஏப்ரல் மாதம் தொடங்கி ஜூன் மாதம் வரை 3 மாதங்களுக்கு வயலில் எந்த சாகுபடியும் செய்யாமல் அப்படியே விட்டு விடுவர். இந்த மாதங்கள் கோடை காலமாகவும் இருப்பதால் பெரும்பாலும் ஆற்றில் தண்ணீர் வரத்து இருப்பது இல்லை. ஆழ்துளை கிணறு வசதி கொண்ட பகுதிகளில் கோடையிலும் நெல் சாகுபடி நடைபெற்று வருகிறது.
சாகுபடி பணிகள் நடைபெறாத காலகட்டத்தில் வயல்களில் புற்கள் முளைத்து வளரும். அப்போது வயல்களில் ஆடுகளை விவசாயிகள் மேய்ச்சலுக்கு விடுவது வழக்கம். இதற்காக ஆடுகள் இரவு நேரங்களில் ஏதாவது ஒரு வயலில் தங்க வைக்கப்படுகிறது.
இதற்கு ஆட்டுக் கிடை போடுவது என்று பெயர். இவ்வாறு கிடை போடும்போது வயலுக்கு இயற்கை உரம் கிடைக்கிறது. இதன் மூலம் மண் வளமும் பெருகுவதாக விவசாயிகள் மகிழ்ச்சியுடன் கூறுகிறார்கள். ஆட்டுக்கிடை போடுவதற்கு விவசாயிகளின் ஆதரவும் அதிகம் இருக்கிறது. இப்படி ஆட்டுக்கிடை போடுபவர்கள் இரவு நேரத்தில் வயல்களில் பட்டி போடுகிறார்கள். ஆடுகள் வெளியே செல்லாத வகையில் வட்டமாக வலை விரித்து, அதனுள்ளே ஆடுகளை அடைத்து விடுகின்றனர்.
ஆட்டுக்கிடை
இப்படி ஆடுகளை பட்டியில் அடைப்பதால் ஆடுகளின் சிறுநீரும், புழுக்கைகளும் வயலுக்கு இயற்கை உரமாக கிடைக்கும். கிடை போடுவதற்காக காவிரி டெல்டா மாவட்டங்களுக்கு வருபவர்கள் விவசாயப் பணிகள் தொடங்கும் வரை இங்கேயே தங்கி விடுகின்றனர்.
இப்போது தஞ்சை மாவட்டம் சேதுபாவாசத்திரம் அருகே விளங்குளம் பகுதியில் சாகுபடி பணிகள் முடிந்து விட்ட வயல்களில் ஆட்டுக்கிடை போடப்பட்டுள்ளது. ராமநாதபுரம் மாவட்டத்தில் இருந்து கொண்டு வரப்பட்ட செம்மறி ஆடுகள் அங்கு பட்டி அமைத்து வயல்களில் மேய்ச்சலுக்கு விடப்பட்டு வருகிறது.
கூடுதல் லாபம்
ஆடுகளை கிடை போடுவதால் வயலுக்கு தேவையான இயற்கை உரம் கிடைப்பது கூடுதல் லாபமாக பார்க்கப்படுகிறது. அடுத்த சாகுபடியின் போது இயற்கை உரத்துக்கான பலன் அதிகளவில் கிடைக்கிறது என்பதும் குறிப்பிடத்தக்கது.இவ்வாறு பட்டி போடுபவர்களுக்கு ஆடுகளின் எண்ணிக்கைக்கு தகுந்தாற்போல் ஒரு இரவுக்கு ரூ.500 முதல் ரூ.2 ஆயிரம் வரை கூலியாக வழங்கப்படுகிறது. பகலில் வயலில் மேய்ச்சலுக்கு ஆடுகளை விடுவதால் அவற்றின் தீவன செலவும் மிச்சம். இரவில் வயலில் தங்க வைக்கப்படுவதால் வருமானமும் உண்டு என்பதால் ராமநாதபுரம் மாவட்டத்தைச் சேர்ந்த ஆடு வளர்ப்பு விவசாயிகள் தற்போது கிடை போடுவதில் மும்முரம் காட்டி வருகிறார்கள்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.