மனோராவை தலைமை இடமாகக்கொண்டு ரூ.15 கோடியில் கடல்பசு பாதுகாப்பு மையம் அமைக்க திட்டமிடப்பட்டுள்ளது என கலெக்டர் தீபக் ஜேக்கப் தெரிவித்தார்.
கடல்பசு தின விழிப்புணர்வு நிகழ்ச்சி
தஞ்சை மாவட்டம் சரபேந்திரராஜன்பட்டினம் ஊராட்சி, மனோரா கடற்கரையில், உலக கடல்பசு தினத்தையொட்டி, கடல்பசு தின விழிப்புணர்வு நிகழ்ச்சி நடைபெற்றது. நிகழ்ச்சிக்கு மாவட்ட வன அலுவலர் அகில் தம்பி தலைமை தாங்கினார். இதில் மாவட்ட கலெக்டர் தீபக் ஜேக்கப் சிறப்பு விருந்தினராக கலந்து கொண்டு பேசினார். அப்போது அவர் கூறியதாவது:-
நான் மாவட்ட கலெக்டராக பொறுப்பேற்ற பிறகு மனோராவுக்கு முதல்முறையாக நிகழ்ச்சியில் பங்கேற்க வந்துள்ளேன். உங்கள் அனைவருக்கும் உலக கடல் பசு தின வாழ்த்துக்களை தெரிவித்துக் கொள்கிறேன். அபூர்வ வகை கடல்வாழ் உயிரினமான கடல்பசு, கடல் வளத்தை பாதுகாக்கும் முக்கியமான உயிரினமாக திகழ்கிறது.
கடல்பசு பாதுகாப்பு மையம்
இப்பகுதியில் காணப்படும் இந்த அபூர்வ உயிரினத்தை காப்பாற்றும் வகையில் மனோராவை தலைமை இடமாகக்கொண்டு, தமிழ்நாடு அரசு ரூ. 15 கோடி மதிப்பீட்டில் கடல்பசு பாதுகாப்பு மையம் அமைக்க திட்டமிட்டுள்ளது. கடல்பசுவை காப்பாற்றி உயிருடன் கடலில் விட்ட மீனவர்களை பாராட்டுகிறேன். கடல்பசுவின் முக்கியத்துவத்தை உணர்ந்து நாம் அனைவரும் அதனை பாதுகாக்க ஒத்துழைப்பு அளிக்க வேண்டும். இவ்வாறு அவர் கூறினார்.
இதில் மீன்வளத்துறை உதவி இயக்குனர் மணிகண்டன், மீன்வள ஆய்வாளர் கெங்கேஸ்வரி, பட்டுக்கோட்டை வருவாய் கோட்டாட்சியர் பிரபாகரன், தாசில்தார் ராமச்சந்திரன், வனச்சரக அலுவலர்கள் குமார் (பட்டுக்கோட்டை), ரஞ்சித் (தஞ்சாவூர்), இளஞ்செழியன் மற்றும் தமிழ்நாடு மீனவர் பேரவை மாநில பொதுச்செயலாளர் தாஜுதீன், ஊராட்சி மன்ற தலைவர் ஜலீலா பேகம் உள்ளிட்டோர் கலந்து கொண்டனர்.
பரிசு -சான்றிதழ்
கடந்த சில தினங்களுக்கு முன்பு மனோரா கடற்கரையில் மீனவர்கள் வலையில் சிக்கிய அபூர்வ வகை கடல்வாழ் உயிரினமான கடல்பசுவை காப்பாற்றி கடலுக்குள் விட்ட மனோரா பகுதியைச் சேர்ந்த மீனவர்கள் சுப்பிரமணியன், சுரேந்திரன், சின்னமனை பகுதியைச் சேர்ந்த மகாலிங்கம், அசோக்குமார் ஆகியோருக்கு பரிசு-சான்றிதழ், பதக்கம் ஆகியவற்றை கலெக்டர் வழங்கி பாராட்டினார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.