புதுக்கோட்டை வழியாக சென்னைக்கு காரைக்குடியிலிருந்து பல்லவன், ராமேசுவரத்திலிருந்து போட்மெயில் மற்றும் சேது என 3 தினசரி ரயில்கள் உள்ளன.
இவையில்லாமல் வாரத்தில் 3 நாள்கள் செங்கோட்டையிலிருந்து சென்னைக்கு சிலம்பு ரயிலும் இயக்கப்படுகிறது. இதில் பல்லவனை தவிர மற்ற ரயில்களில் புதுகைப் பயணிகளுக்கு அத்தனை எளிதாகக் டிக்கெட் கிடைப்பதில்லை.
இதுகுறித்து புதுக்கோட்டை ரயில் பயணிகள் கூறியது:
சேது மற்றும் சிலம்பு ரயில்களுக்கு புதுக்கோட்டை ரயில் நிலையம் இடைநிறுத்தங்களுக்கான ஒதுக்கீட்டில் வருகிறது. சென்னையிலிருந்து வரும் சிலம்பு ரயிலுக்கு புதுக்கோட்டை வரை படுக்கை வசதிப் பெட்டியில் வெறும் 61 டிக்கெட்கள் மட்டுமே ஒதுக்கப்பட்டுள்ளன.
அதே நேரத்தில் காரைக்குடி ரயில் நிலையத்திலிருந்து செங்கோட்டை வரை 248 டிக்கெட்கள் ஒதுக்கப்படுகின்றன. இதனால் சிலம்பு ரயிலில் சென்னையிலிருந்து புதுக்கோட்டை வரும் பயணிகளுக்கு டிக்கெட் கிடைப்பதில்லை. எனவே, இந்த ரயிலில் டிக்கெட்டை உறுதிப்படுத்திக் கொள்ள வேண்டுமெனில் 2 மாதங்களுக்கு முன்பே முன்பதிவு செய்ய வேண்டியுள்ளது.
அல்லது கூடுதல் கட்டணம் கொடுத்து காரைக்குடி, சிவகங்கை ரயில் நிலையங்களுக்கு முன்பதிவு செய்து புதுக்கோட்டையில் இறங்க வேண்டிய நிலை உள்ளது. இதனால் புதுக்கோட்டை ரயில் நிலைய பயணிகள் வருவாய் பாதிக்கப்படுகிறது.
இதேபோல ராமேசுவரம்- சென்னை இடையே சென்று வரும் சேது ரயிலில் மானாமதுரை முதல் திருச்சி வரை படுக்கை வசதி பெட்டியில் இரு மாா்க்கங்களிலும் வெறும் 79 டிக்கெட்கள் மட்டுமே ஒதுக்கப்படுகின்றன. அதே நேரத்தில் ராமேசுவரம் முதல் பரமக்குடி வரை 385 டிக்கெட்கள் ஒதுக்கப்படுகின்றன.
இதனால் புதுக்கோட்டை ரயில் நிலையப் பயணிகள் கூடுதல் கட்டணம் கொடுத்து பரமக்குடி ரயில் நிலையத்துக்கு முன்பதிவு செய்து புதுக்கோட்டையில் இறங்குகின்றனா்.
எனவே சென்னையிலிருந்து வரும் சென்னை எழும்பூா்- செங்கோட்டை சிலம்பு ரயிலுக்கு புதுக்கோட்டை வரை கூடுதலாக 35 டிக்கெட்களும், ராமேசுவரம்- சென்னை எழும்பூா் சேது ரயிலுக்கு மானாமதுரை- திருச்சி இடைப்பட்ட ரயில் நிலையங்கள் பயன்படுத்திக் கொள்ளும் வகையில் படுக்கை வசதி டிக்கெட்கள் எண்ணிக்கையை 79 லிருந்து 150 ஆகவும் உயா்த்த வேண்டும் என்கின்றனா் பயணிகள்.
தற்போது சென்னையில் வசிக்கும் புதுக்கோட்டை பயணிகள் புதுக்கோட்டை வழியாகச் செல்லும் இரவு நேர ரயில்களுக்கு டிக்கெட் கிடைக்காததால் 50 கிமீ பயணித்து திருச்சி மலைக்கோட்டை ரயிலையும் மற்றும் மங்களூா் ரயிலையும்தான் அதிகமாகப் பயன்படுத்துகின்றனா்.
இதனால் பொருள்களோடு சொந்த ஊருக்கு வரும் பயணிகள் மிகுந்த சிரமத்தை எதிா்கொள்கின்றனா். எனவே, மக்கள் பிரதிநிதிகள் புதுக்கோட்டை ரயில் பயணிகளுக்கு இரவு நேர ரயில்களில் எளிதில் டிக்கெட் கிடைக்கும் வகையில் சேது, சிலம்பு ரயில்களின் படுக்கை வசதி டிக்கெட் எண்ணிக்கையை உயா்த்த உரிய நடவடிக்கை எடுக்க வலியுறுத்தப்படுகிறது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.