வாட்ஸ் அப்பில் வாய்ஸ் மெசேஜ் அனுப்புவதைப் போன்று, இனி வீடியோ மெசேஜ் அனுப்பும் வசதியை அந்நிறுவனம் அறிமுகப்படுத்தியுள்ளது.
உலக அளவில் கோடிக்கணக்கான பயனர்களை கொண்டுள்ள மெட்டாவின் வாட்ஸ் அப் நிறுவனம், அவ்வப்போது புது புது அப்டேட்டுகளை அறிமுகம் செய்து தனது பயனர்களை எப்போதும் மகிழ்ச்சியில் ஆழ்த்தும். அந்த வகையில், வாட்ஸ் அப்பின் சமீபத்திய பீட்டா பதிப்பில், வீடியோ மெசேஜிங் செய்யும் வசதியை அறிமுகப்படுத்தியுள்ளது.
ஆண்ட்ராய்டு மற்றும் ஐஓஎஸ் வெர்ஷன்களில் வாட்ஸ்அப் வழியாக 60 வினாடிகள் வரை குறுகிய வீடியோக்களை பகிரும் வகையில் அறிமுகம் செய்யப்பட்டுள்ளது. முன்பு வாட்ஸ் அப்பில் டெக்ஸ்ட் மெசேஜ் மட்டுமே இருந்த நிலையில், அதன்பிறகு வாய்ஸ் மெசேஜ் வசதி அறிமுகம் செய்யப்பட்டது. தற்போது வாய்ஸ் மெசேஜ்க்கு பதிலாக வீடியோ மெசேஜிங் அனுப்ப முடியும். இந்த அம்சம் தற்போது வாட்ஸ் அப்பின் ஆண்ட்ராய்டு மற்றும் ஐஓஎஸ் பீட்டா டெஸ்டர்களால் மட்டுமே பயன்படுத்த முடியும். அதாவது சோதனைக் கட்டத்தில் இந்த அம்சம் உள்ளது. படிப்படியாக அனைத்து பயனர்களும் பயன்படுத்தும் வகையில் நடைமுறைக்கு வரவுள்ளது.
பயனர் பாதுகாப்பை உறுதிப்படுத்த இந்த புதிய வீடியோ மெசேஜ் அம்சமும் எண்டு-டூ-எண்ட் என்கிரிப்ட் செய்யப்பட்டவை. அதனால் அனுப்புநர் மற்றும் பெறுநருக்கு இடையே நடக்கும் உரையாடலை அதற்கு தொடர்பில்லாத யாரும், அதாவது வாட்ஸ் அப் நிறுவனம் கூட அணுக முடியாது. இந்த வீடியோ மெசேஜை யாருக்கும் பகிர முடியாது. வேண்டுமெனில், வீடியோ மெசேஜை ஸ்கிரீன் ரெக்கார்டிங் மூலம் சேமிக்க முடியும்.
எப்படி பயன்படுத்துவது?
வாட்ஸ் அப்பில் வீடியோ செய்தியை அனுப்ப விரும்பும் நபருடைய சேட் பாக்ஸுக்கு செல்ல வேண்டும். அங்கு டெக்ஸ்ட் மெசேஜ் அனுப்பும் பாக்ஸின் வலதுபுறத்தில் உள்ள மைக்ரோஃபோன் பட்டனை பயன்படுத்த வேண்டும். அந்த மைக்ரோஃபோன் பட்டன் வீடியோ பட்டனாக மாற்ற ஆப்ஷன் கேட்கும். அதன்மூலம் பயனர்கள் குறுகிய வீடியோ செய்திகளை அனுப்பத் தொடங்கலாம். இந்த அம்சத்தை அணுக விரும்பும் ஐஓஎஸ் பயனர்கள், 23.6.0.73 வெர்ஷனையும், ஆண்ட்ராய்டு பயனர்கள் 2.23.8.19 வெர்ஷனையும் இன்ஸ்டால் செய்ய வேண்டும் அதன் பிறகு இந்த வீடியோ மெசேஜிங் வசதியை நம்மால் பயன்படுத்த முடியும். ஸ்னாப்சாட்டில் உள்ள வீடியோ மெசேஜ் அம்சம் போன்று வாட்ஸ்அப்பிலும் அறிமுகப்படுத்தப்பட்டுள்ளது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.