புதுக்கோட்டை மாவட்டம், அறந்தாங்கி நகராட்சிக்குட்பட்ட 17-வது வார்டில் நகராட்சி அலுவலகம் அருகே அங்கன்வாடி ஒன்று செயல்பட்டு வருகிறது. இங்கு 20 குழந்தைகள் வரை படித்து வருகின்றனர். இந்த நிலையில், வழக்கம்போல் செயல்பட்ட அங்கன்வாடிக்கு இன்று 12 குழந்தைகள் வந்திருக்கின்றனர். இதற்கிடையே, இந்தப் பகுதியைச் சேர்ந்த குழந்தைகளுக்கு தடுப்பூசி போடும் பணிகளும் நடைபெற்றிருக்கின்றன.
அங்கன்வாடி மேற்கூரை இடிந்து விழுந்து, சிறுவர்கள் காயம்! - அறந்தாங்கியில் அதிர்ச்சி
இந்த நிலையில்தான், அங்கன்வாடிக்குள் அமர்ந்து குழந்தைகள் விளையாடிக்கொண்டிருந்திருக்கின்றனர். அப்போது எதிர்பாராதவிதமாக அங்கன்வாடிக் கட்டடத்தின் மேற்கூரை இடிந்து விழுந்திருக்கிறது. இதில், இரண்டு சிறுவர்கள் காயமடைந்தனர். கால் உள்ளிட்ட பகுதிகளில் காயமடைந்த குழந்தைகளை, அருகிலிருந்தவர்கள் மீட்டு அறந்தாங்கி அரசு மருத்துவமனையில் சிகிச்சைக்காகச் சேர்த்தனர். அங்கு அவர்களுக்கு சிகிச்சை அளிக்கப்பட்டு வருகிறது.
தகவலறிந்த பெற்றோர்கள், பதற்றத்துடன் தங்கள் பிள்ளைகளை வீட்டுக்கு அழைத்துச் சென்றனர். இது குறித்து குழந்தைகளின் பெற்றோர்கள், ``இந்தக் கட்டடம் கட்டி எப்படியும் 30 வருஷங்களுக்கும் மேலதான் இருக்கும். ஒரு வருஷத்துக்கு முன்னால, கட்டடத்தை சீரமைக்கணும்'னு தொடர்ந்து வலியுறுத்துனதால, பராமரிப்புப் பணிகள் மேற்கொண்டாங்க. ஆனாலும், அந்த கான்ட்ராக்டர் முறையாகப் பராமரிப்புப் பணிகளை மேற்கொள்ளவில்லை. அதனாலதான், இந்த மாதிரி நடந்திருக்கு. நல்ல வேளையாக பிள்ளைங்க எல்லாரும் அந்த இடத்துல இல்லாம போயிட்டாங்க. சம்பந்தப்பட்டவங்கமீது உரிய நடவடிக்கை எடுக்கணும்" என்றனர்.
அங்கன்வாடியின் மேற்கூரைச் சுவர் இடிந்து, சிறுவர்கள்மீது விழுந்த சம்பவம் அறந்தாங்கியில் பெரும் அதிர்ச்சியை ஏற்படுத்தியிருக்கிறது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.