அரசு துறை செயல்பாடுகளை அறிய, தகவல் அறியும் உரிமை சட்டப்படி, பொது மக்கள் மனு செய்யலாம். இதன் அடிப்படையில், 30 நாட்களுக்குள், பொது தகவல் அலுவலர் பதில் அளிக்க வேண்டும்.
இதில் பதில் கிடைக்காத நிலையில், மனுதாரர்கள், மேலதிகாரிகளிடம் முறையீடு செய்யலாம். இதிலும் பதில் கிடைக்காத நிலையில், மாநில தகவல் ஆணையத்தில் இரண்டாவது மேல்முறையீட்டுக்காக அணுகலாம்.
இந்த மேல்முறையீட்டு மனுக்களை, தகவல் ஆணையம் விசாரித்து, மனுதாரருக்கு தகவல் அளிக்க உரிய உத்தரவுகளை பிறப்பிக்கும். இந்த உத்தரவுகளை, சம்பந்தப்பட்ட துறை அதிகாரிகள் செயல்படுத்த வேண்டும்.
ஆனால், பல இடங்களில், அரசு துறை மேலதிகாரிகள், தகவல் ஆணைய உத்தரவை செயல்படுத்துவதில்லை. இதனால் பாதிக்கப்படும் மனுதாரர்கள், நீதிமன்றங்களை அணுக வேண்டிய நிலைக்கு தள்ளப்படுகின்றனர்.
ஆணைய உத்தரவுகள் கிடப்பில் போடப்படும் நிலையில், அது குறித்து மீண்டும் ஆணையத்தின் கவனத்துக்கு கொண்டு வர, புதிய வசதி அமலுக்கு வந்துள்ளது. இதன்படி, கிடப்பில் போடப்பட்ட ஆணைய உத்தரவுகளை செயல்படுத்த கோரி, சம்பந்தப்பட்டவர்கள் ஆணையத்தில் மனு செய்யலாம்.
இது சிறப்பு மேல்முறையீடாக விசாரிக்கப்பட்டு, பாதிக்கப்பட்டவர்களுக்கு உரிய தகவல் கிடைக்க, ஆணையம் நடவடிக்கை எடுக்கும். இதற்கான மாதிரி படிவத்தை, மாநில தகவல் ஆணையம் வெளியிட்டுள்ளது.
தகவல் அறியும் உரிமை சட்ட ஆர்வலர் பி.கல்யாணசுந்தரம் கூறியதாவது:
தகவல் அறியும் உரிமை சட்டத்தின் பயன், மக்களுக்கு கிடைக்க வேண்டும் என்பதற்காக, இந்த வசதி ஏற்படுத்தப்பட்டது. இதற்கான பிரிவின் அடிப்படையில் மனு செய்தால், ஆணையம் அதை விரைவாக விசாரிப்பதில்லை.
இது தொடர்பாக, சம்பந்தப்பட்ட அதிகாரிகள் மீது நடவடிக்கை எடுக்கும் வகையில், உரிய உத்தரவுகள் பிறப்பிக்க, ஆணையம் தயங்குகிறது. இதில் பாதிக்கப்பட்டவர்கள், 50,000 ரூபாய் வரை இழப்பீடு கோரவும் வாய்ப்பு உள்ளது.
இவ்வாறு அவர் கூறினார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.