இந்தியாவின் தென்கோடி முனையான கன்னியாகுமரியிலிருந்து நாட்டின் தலைநகர் டெல்லியில் உள்ள ஹஸ்ரத் நிஜாமுதீனுக்கு திருக்குறள் விரைவு ரயில் (TIRUKKURAL EXP 12641) இயக்கப்படுகிறது. 47 மணி நேரம் 25 நிமிடங்கள் பயணித்து இந்த ரயில் இலக்கை அடைகிறது.
முதல் நாள் இரவு 7.10 மணிக்கு கன்னியாகுமரியில் புறப்படும் ரயில் மறுநாள் காலை 8.25 மணிக்கு சென்னை எக்மோர் சென்று சேரும். 8.45 மணிக்கு மீண்டும் கிளம்பி மறுநாள் மாலை 6.35 மணிக்கு டெல்லி நிஜாமுதீன் சென்றடையும்.
23 முக்கிய நிலையங்களை கடந்து செல்லும் இந்த ரயிலில் பராமரிப்பு பணி காரணமாக சில மாற்றங்கள் செய்யப்பட்டுள்ளன.
அக்டோபர் 4 மற்றும் 6ஆம் தேதிகளில் இரவு 7.10 மணிக்கு கன்னியாகுமரியிலிருந்து புறப்பட்டுச் செல்லும் திருக்குறள் அதிவிரைவு ரயில் மதுரை, விழுப்புரம், செங்கல்பட்டு, தாம்பரம், எழும்பூர், வண்ணாரப்பேட்டை, பெரம்பூர், அரக்கோணம், ரேணிகுண்டா, கச்சிகுடா, காசிப்பேட்டை வழியாக திருப்பிட விடப்பட உள்ளது. அந்த சமயம் இந்த ரயில் விஜயவாடா செல்லாது என தெரிவிக்கப்பட்டுள்ளது.
அதேபோல, ஹஸ்ரத் நிஜாமுதீனில் இருந்து கன்னியாகுமரிக்கு அக்டோபர் 2 மற்றும் 9ஆம் தேதிகளில் காலை 5.20 மணிக்கு புறப்படும் ரயில், பல்ஹர்ஷா, காசிப்பேட்டை, கச்சிகுடா, ரேணிகுண்டா, அரக்கோணம், பெரம்பூர், வண்ணாரப்பேட்டை, எழும்பூர், தாம்பரம், செங்கல்பட்டு, விழுப்புரம், மதுரை வழியாக திருப்பி விடப்படுகிறது.
விஜயவாடா கோட்டத்தில் நடைபெற்று வரும் பராமரிப்புப் பணி காரணமாக ரயில் திருப்பிவிடப்படுவதாக தெற்கு ரயில்வே அறிவித்துள்ளது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.