பீகாரில் ரகுநாத்பூர் ரயில் நிலையம் அருகே பயணிகள் ரயில் தடம் புரண்டு விபத்துக்குள்ளானது. 5 பெட்டிகள் தடம் புரண்டு கவிழ்ந்ததில் 4 பேர் பலியாகியுள்ளதாகா தகவல் வெளியாகியுள்ளது. ரயில்வே காவல்துறையினர் மற்றும் பொது மக்கள் மீட்புப்பணியில் ஈடுபட்டுள்ளனர்.
பீகார் மாநிலம் பக்சர் மாவட்டத்தின் ரகுநாத்பூர் ரயில் நிலையம் அருகே இந்த விபத்து நிகழ்ந்துள்ளது. டெல்லியில் இருந்து கவுகாத்தி செல்லும் வடகிழக்கு எக்ஸ்பிரஸ் ரயில் ஆனந்த் விஹார் டெர்மினலில் இருந்து காமாக்யா நோக்கிச் செல்லும் போது ரயிலின் 5 பெட்டிகள் தடம் புரண்டன. இரவு 9.35 மணி அளவில் இந்த விபத்து நிகழ்ந்துள்ளது.
தண்டவாளத்தை விட்டு விலகிய ரயிலின் 5 பெட்டிகள் தரையில் உருண்டு கவிழ்ந்தன. இதையடுத்து ரயிலில் இருந்த பயணிகள் அலறியடித்தப்படி கீழே இறங்கினர். மேலும் தடம் புரண்ட 5 பெட்டிகளில் இருந்த பயணிகளை மீட்கும் பணியிலும் ஈடுபட்டு வருகின்றனர்
தகவலறிந்து விபத்து நிகழ்ந்த இடத்திற்கு வந்த ரயில்வே போலீசாரும் மீட்புப்பணியில் ஈடுபட்டுள்ளனர். உள்ளூர் மக்களும் மீட்புப்பணியில் இறங்கியுள்ளனர். ரயில் விபத்து நடந்த பகுதியில் போதிய வெளிச்சம் இல்லாதால் மீட்புப்பணியில் சிரமம் ஏற்பட்டுள்ளதாக கூறப்படுகிறது.
செல்போன் லைட் மற்றும் டார்ச் லைட் உதவியுடன் மீட்புப்பணிகள் நடைபெற்று வருகின்றன. இந்த விபத்தில் உயிர்ச்சேதம் எதுவும் இல்லை ரயில்வே அதிகாரிகள் தெரிவித்த நிலையில் 4 பேர் உயிரிழந்துள்ளதாக தகவல் வெளியாகியுள்ளது. காயமடைந்தவர்களுக்கு சிகிச்சை அளிப்பதற்காக மருத்துவ குழுக்கள் சம்பவ இடத்தில் குவிக்கப்பட்டுள்ளனர்.
விபத்தில் காயமடைந்தவர்களுக்கு உரிய சிகிச்சை அளிக்குமாறு பீகார் துணை முதல்வர் தேஜஸ்வி உத்தரவிட்டுள்ளார். ரயில் விபத்து தொடர்பாக அறிந்து கொள்ள அவசர தொலைபேசி எண்களும் அறிவிக்கப்பட்டுள்ளன. 97714 49971, 89056 97493, 83061 80542, 77590 70004 ஆகிய உதவி எண்கள் அறிவிக்கப்பட்டுள்ளன.
கடந்த ஜூன் மாதம் ஒடிசாவில் சென்னை கோரமண்டல் எக்ஸ்பிரஸ் ரயில் விபத்துக்குள்ளானது. இரண்டு ரயில்கள் நேருக்கு நேர் மோதிய விபத்தில் 200க்கும் மேற்பட்டோர் உயிரிழந்தனர். அதன்பிறகு அடிக்கடி ரயில்கள் தடம் புரள்வது, தீ பிடிப்பது என விபத்துகள் நிகழ்ந்த வண்ணம் உள்ளன. இந்நிலையில் தற்போது மீண்டும் 5 பெட்டிகள் தடம்புரண்டு ரயில் விபத்துக்குள்ளாகியிருப்பது அதிர்ச்சியை ஏற்படுத்தியுள்ளது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.