சேலம் காமலாபுரம் விமான நிலையத்திலிருந்து சென்னைக்கு விமானப் போக்குவரத்து இருந்தது. கரோனா தொற்று காரணமாக 2020-ம் ஆண்டு மார்ச் மாதம் நாடு முழுவதும் விமான சேவைகள் ரத்து செய்யப்பட்டன.
அப்போது, சேலம் - சென்னை இடையிலான விமான சேவையும் ரத்து செய்யப்பட்டது. கரோனா பாதிப்பு நீங்கி இயல்பு நிலை திரும்பிய பின்னர் நாடு முழுவதும் மீண்டும் விமான சேவைகள் தொடங்கின. ஆனால், சேலத்துக்கு விமானம் இயக்கி வந்த ட்ரூஜெட் விமான நிறுவனம், விமான சேவையை மீண்டும் தொடங்கவில்லை.
எனவே, மீண்டும் சேலம் - சென்னை இடையே விமான சேவையைத் தொடங்க வேண்டும் என்று பல்வேறு தரப்பினரும் கோரிக்கை விடுத்தனர். இந்நிலையில், இண்டிகோ ஏர்லைன்ஸ் நிறுவனம், சேலத்தில் இருந்து விமான சேவையைத் தொடங்க முன்வந்தது. அதன்படி, நேற்று முதல் சென்னை - சேலம், சேலம் - சென்னை இடையே விமான சேவை தொடங்கியது.
முதல் பயணமாக சென்னையிலிருந்து சேலம் வந்த விமானத்தில் பயணித்தவர்களை, மாவட்ட ஆட்சியர் கார் மேகம், சேலம் எம்.பி. எஸ்.ஆர். பார்த்திபன் ஆகியோர் பூங்கொத்து கொடுத்து வரவேற்றனர். சென்னை உள்நாட்டு விமான நிலையத்தில் இருந்து தினமும் காலை 11.20 மணிக்குப் புறப்படும் இண்டிகோ ஏர்லைன்ஸ் பயணிகள் விமானம்,
பகல் 12.30 மணிக்கு சேலம் காமலாபுரம் விமான நிலையம் வந்தடையும். பின்னர் அதே விமானம் சேலத்திலிருந்து பகல் 12.50 மணிக்குப் புறப்பட்டு, சென்னையை பகல் 1.45 மணிக்கு சென்றடைகிறது. சேலம் விமான நிலையத்தில் பெரிய விமானங்கள் இறங்க போதுமான வசதிகள் இல்லாததால், 72 இருக்கைகள் கொண்ட சிறியரக விமானம் மட்டுமே இயக்கப்படுகிறது.
சென்னை - சேலம் இடையே ஒரு வழிப் பயணக் கட்டணமாக ரூ.2,390 நிர்ணயிக்கப்பட்டுள்ளது. பயணிகளின் வருகை அதிகரிப்பை பொறுத்து கட்டண விகிதத்தில் சிறிது மாற்றம் இருக்கும் என்று விமான நிலைய அலுவலர்கள் தெரிவித்தனர். மூன்றரை ஆண்டுகளுக்குப் பின்னர் சேலம் - சென்னை இடையே விமான சேவை தொடங்கியுள்ளதால் பயணிகள் மகிழ்ச்சி அடைந்துள்ளனர்.
கோவா ஆளுநர்..: சென்னையில் இருந்து சேலத்துக்கு நேற்று புறப்பட்டுச் சென்ற முதல் விமானத்தில், கோவா மாநில ஆளுநர் ஸ்ரீதரன் பிள்ளை, நடிகை நமீதா உட்பட 43 பயணிகள் பயணித்தனர். அவர்களுக்கு விமான ஊழியர்கள் ரோஜாப் பூ கொடுத்து வரவேற்றனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.