அன்னவாசல் அருகே முக்கண்ணாமலைப்பட்டியில் வீட்டின் பூட்டை உடைத்து 8 பவுன் நகை, ரூ.20 ஆயிரத்தை திருடி சென்ற மர்மநபர்களை போலீசார் வலைவீசி தேடி வருகின்றனர்.
நகை-பணம் திருட்டு
அன்னவாசல் அருகே முக்கண்ணாமலைப்பட்டி புதூர் புதுநகர் பகுதியை சேர்ந்தவர் சித்திரன். இவர் சிங்கப்பூரில் வேலை பார்த்து வருகிறார். இவரது மனைவி ஜெயலெட்சுமி. இவர் தனது குடும்பத்துடன் வீட்டில் வசித்து வருகிறார். இந்த நிலையில் நேற்று மதியம் வீட்டை பூட்டி விட்டு அவரது அண்ணன் வீட்டு விஷேசத்திற்காக பொருட்கள் வாங்குவதற்காக அன்னவாசல் சென்று விட்டார்.
பின்னர் பொருட்களை வாங்கிக் கொண்டு மீண்டும் வீட்டிற்கு திரும்பி வந்தார். அப்போது வீட்டின் கதவின் பூட்டு உடைக்கப்பட்டு கதவு திறந்து கிடந்தது. இதைக்கண்டு அதிர்ச்சியடைந்த ஜெயலெட்சுமி வீட்டிற்கு உள்ளே சென்று பார்த்தார். அப்போது வீட்டிற்குள் இருந்த பீரோ உடைக்கப்பட்டு அதில் இருந்த 8 பவுன் நகை மற்றும் ரூ.20 ஆயிரத்தை மர்மநபர்கள் திருடி சென்றது தெரியவந்தது.
வலைவீச்சு
இதுகுறித்து தகவல் அறிந்த அன்னவாசல் போலீசார் மற்றும் பொன்னமராவதி துணை போலீஸ் சூப்பிரண்டு அப்துல்ரகுமான் சம்பவ இடத்திற்கு விரைந்து வந்து விசாரணை நடத்தினர். மேலும் புதுக்கோட்டையில் இருந்து கைரேகை நிபுணர்கள் வரவழைக்கப்பட்டு கைரேகைகள் சேகரிக்கப்பட்டது. வீட்டின் பூட்டை உடைத்து 8 பவுன், ரூ.20 ஆயிரத்தை திருடி சென்ற மர்மநபர்களை போலீசார் வலைவீசி தேடி வருகின்றனர்.
10 பவுன் நகை தப்பியது
பீரோவில் மற்றொரு டப்பாவில் 10 பவுன் நகை இருந்தது. இது மர்மநபர்கள் கண்ணில் படாததால் 10 பவுன் நகை தப்பியது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.