ரெயில்வே வாரியத்தின் ஒப்புதல் கிடைத்தவுடன் ஈரோடு - திருச்சி ரெயில் காரைக்கால் வரை நீட்டிக்கப்படும் என முதுநிலை இயக்க அலுவலர் கூறினார்.
நாகூரில் ஆய்வு
தென்னக ரெயில்வே திருச்சி கோட்ட முதுநிலை இயக்க அலுவலர் ரதிப்ரியா நாகூர் ரெயில் நிலையத்தில் மேம்பாட்டு பணிகள் குறித்து ஆய்வு மேற்கொண்டார். அப்போது நாகூர், நாகை ரெயில் உபயோகிப்போர் நலச்சங்க தலைவர் மோகன், செயலாளர் சித்திக், துணைத்தலைவர் முகமது தம்பி ஆகியோர் அவரை நேரில் சந்தித்து பல்வேறு கோரிக்கைகள் அடங்கிய மனுவை அளித்தனர்.
அந்த மனுவில் கூறியிருப்பதாவது:-
ஈரோடு-திருச்சி ரெயிலை தஞ்சை, திருவாரூர், நாகை வழியாக காரைக்கால் வரை நீட்டிப்பு செய்ய வேண்டும். அதிகாலை காரைக்கால் வரும் கம்பன் விரைவு ரெயில் பெட்டிகளை காரைக்காலில் இருந்து நாகை, திருவாரூர், தஞ்சை வழியாக திருச்சி வரை விரைவு ரெயிலாக இயக்க வேண்டும்.
85 சதவீதம் வருமானம்
அதிகாலையில் நாகை-வேளாங்கண்ணி டெமு ரெயிலை வேளாங்கண்ணியில் இருந்து நாகை, திருவாரூர், தஞ்சை வழியாக திருச்சி வரை இயக்க வேண்டும். தென்னக ரெயில்வே திருச்சி கோட்டத்தில் சரக்கு ரெயில் வருவாயில் 85 சதவீதம் வருமானம் நாகூர், நாகை ரெயில்வே வழித்தடத்தில் இருந்தே கிடைக்கிறது.
காரைக்கால் அருகே உள்ள தனியார் துறைமுகத்தில் இருந்து இந்த ரெயில் நிலையங்கள் வழியாக தான் நிலக்கரி சரக்கு ரெயில் மூலம் ஏற்றி செல்லப்படுகிறது. இவ்வாறு ரெயில்வே நிர்வாகத்திற்கு அதிக வருமானத்தை தரும் நாகூர், நாகை ரெயில் நிலையங்களை அம்ரித் பாரத் திட்டத்தில் சேர்க்க வேண்டும். ஆனால் இந்த 2 ரெயில் நிலையங்களையும் சேர்க்காமல் இருப்பது பயணிகளுக்கு ஏமாற்றத்தை தருகிறது.
இவ்வாறு அந்த மனுவில் கூறப்பட்டுள்ளது.
ஒப்புதல் கிடைத்தவுடன்...
மனுவை பெற்ற தென்னக ரெயில்வே திருச்சி கோட்ட முதுநிலை இயக்க அலுவலர் ரதிப்ரியா, ‘ரெயில்வே வாரியத்தின் ஒப்புதல் கிடைத்தவுடன் ஈரோடு - திருச்சி ரெயில் காரைக்கால் வரை நீட்டிக்கப்படும்’ என்றார். அப்போது தென்னக ரெயில்வே திருச்சி கோட்ட அலுவலர்கள் ரவிக்குமார், பாண்டியன், நாகூர் ரெயில் நிலைய மேலாளர் சுரேஷ் மற்றும் பலர் உடன் இருந்தனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.