புதுக்கோட்டை அரசு மருத்துவக்கல்லூரியில் முதுகலை மருத்துவ படிப்பு தொடங்க கருத்துரு அனுப்பப்பட்டுள்ளது.
அரசு மருத்துவக்கல்லூரி
புதுக்கோட்டை அரசு மருத்துவக்கல்லூரி கடந்த 2017-ம் ஆண்டு தொடங்கப்பட்டது. இளங்கலை எம்.பி.பி.எஸ். மருத்துவ படிப்பில் 150 மாணவர்கள் படித்து வருகின்றனர். முதல் பேட்ஜ் கடந்த 2022-ம் ஆண்டு முடித்து வெளியேறினர். இக்கல்லூரியில் முதுகலை படிப்பு அவசர சிகிச்சை பிரிவு பாடத்திற்கு மட்டுமே உள்ளது.
இந்த நிலையில் புதுக்கோட்டை அரசு மருத்துவக்கல்லூரியில் மற்றப்பாடப்பிரிவுகளிலும் முதுகலை மருத்துவப்படிப்பு தொடங்க வேண்டும் என கோரிக்கை எழுந்துள்ளது. இது தொடர்பாக மருத்துவக்கல்வி இயக்குனரகத்திற்கும் மருத்துவக்கல்லூரி நிர்வாகம் சார்பில் கருத்துரு அனுப்பப்பட்டுள்ளது.
முதுகலை படிப்பு
இது தொடர்பாக மருத்துவக்கல்லூரி வட்டாரத்தினர் கூறுகையில், ‘‘புதுக்கோட்டை அரசு மருத்துவக்கல்லூரியில் எம்.பி.பி.எஸ். படிப்பில் பொது மருத்துவம் உள்ளிட்ட 10-க்கும் மேற்பட்ட துறைகள் உள்ளன. இந்த துறைகளில் முதுகலை பட்டப்படிப்பு தொடங்குவதின் மூலம் அப்படிப்புக்கு கூடுதல் இருக்கைகள் கிடைக்கும். மேலும் அவர்கள் பயிற்சியாக அரசு மருத்துவமனையில் பணியாற்றும் போது டாக்டர்கள் பற்றாக்குறை குறைய வாய்ப்பு உள்ளது. மேலும் நோயாளிகளுக்கு கூடுதலாக சிகிச்சை கிடைக்கும்.
முதுகலை பட்டப்படிப்பு துறைவாரியாக இடங்கள் ஒதுக்கப்படும் போது எண்ணிக்கை வேறுபடும். தேசிய மருத்துவக்கல்வி இயக்குனரகம் அனுமதி அளித்த பின்பு தான் இப்பாடப்பிரிவுகளை தொடங்க முடியும். இந்திய மருத்துவ கவுன்சில் குழுவினரும் ஆய்வு செய்து அனுமதிக்கான உத்தரவை வழங்கும். தற்போதைக்கு முதுகலை பட்டப்படிப்பு தொடங்குவதற்கான நடவடிக்கை கருத்துரு வடிவில் மட்டும் உள்ளது'' என்றனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.