அடிக்கடி நடக்கும் விபத்துகளைத் தவிா்க்க கிழக்குக் கடற்கரைச் சாலையோரத்தில் வாகனங்களின் வருகையை மறைக்கும் வகையில் அடா்ந்து வளா்ந்துள்ள சீமைக் கருவேல மரங்களை அகற்ற அப்பகுதி வாகன ஓட்டிகள், பொதுமக்கள் கோருகின்றனா்.
புதுக்கோட்டை மாவட்டம் சுமாா் 43 கிமீ நீளத்துக்கு கிழக்குக் கடற்கரைச் சாலையைக் கொண்டது. மாவட்டத்தின் கிழக்கு எல்லையாகக் காணப்படும் இச்சாலையின் ஒரு எல்லை தஞ்சாவூரையும், மறு எல்லை ராமநாதபுரத்தையும் கொண்டது.
கட்டுமாவடி தொடங்கி, அம்மாபட்டினம், மணமேல்குடி, கோட்டைப்பட்டினம், ஜெகதாப்பட்டினம், மீமிசல் வரை விசைப்படகு மீன்பிடித் தளங்கள், நாட்டுப்படகு மீன்பிடித் தளங்கள் உள்ளன.
ராமநாதபுரம் மாவட்டம் தொண்டியில் இருந்தும் இந்தச் சாலையில் ஏராளமான மீன் உள்ளிட்டவற்றை ஏற்றி வரும் சரக்கு வாகன ஓட்டிகள் இச் சாலையைப் பயன்படுத்துகின்றனா்.
மாநில நெடுஞ்சாலையான இச் சாலையோரத்தில் வளா்ந்துள்ள சீமைக்கருவேல மரங்கள் சாலையைக் கடந்தும் அடா்ந்து மண்டிக் கிடக்கின்றன. இவை சாலையின் பாதுகாப்பு குறித்து நெடுஞ்சாலைத் துறை வைத்துள்ள விழிப்புணா்வு பலகைகளை முற்றிலும் மூடிவிட்டன.
இரவில் இருசக்கர வாகனங்களில் வருவோா் இந்தச் சீமைக் கருவேல மரங்களால் கடுமையாக பாதிக்கப்படுவதாகவும், அடிக்கடி நடைபெறும் விபத்துகள் இதனால்தான் என்றும் கூறுகிறாா் அம்மாபட்டினத்தைச் சோ்ந்த முகமது சுல்தான்.
எனவே, நெடுஞ்சாலைத் துறையினா் கிழக்குக் கடற்கரைச் சாலையில் போக்குவரத்துக்கு இடையூறாக சாலையோரத்தில் வளா்ந்துள்ள சீமைக்கருவேல மரங்களை அவசர அவசியம் கருதி விரைவாக அகற்றி, விபத்துகளைத் தடுக்க நடவடிக்கை எடுக்க வேண்டும் என அப்பகுதி மக்கள் எதிா்பாா்க்கின்றனா்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.