தென்காசி அருகே லாரியும், காரும் நேருக்கு நேர் மோதிக்கொண்ட கோர விபத்தில் 6 பேர் உயிரிழந்த சம்பவம் பெரும் சோகத்தை ஏற்படுத்தியுள்ளது.
தென்காசி: தென்காசி மாவட்டம் புளியங்குடி அருகே சிமெண்ட் மூட்டைகளை ஏற்றிவந்த லாரியும், காரும் நேருக்கு நேர் மோதிக்கொண்டது. இந்த கோர விபத்தில் புளியங்குடியை சேர்ந்த 6 பேரும் சம்பவ இடத்திலேயே உயிரிழந்தனர். இது குறித்து சொக்கம்பட்டி காவல்துறை விசாரணை மேற்கொண்டு வருகின்றனர். மாவட்ட காவல்துறை கண்காணிப்பாளர் சுரேஷ் நேரில் ஆய்வு செய்துள்ளார்.
தென்காசி மாவட்டம், புளியங்குடி பகவதி அம்மன் கோயில் தெரு பகுதியைச் சேர்ந்தவர்கள் கார்த்திக், வேல் மனோஜ், சுப்பிரமணி, மனோகரன், போத்திராஜ் உள்ளிட்ட ஆறு பேர் நேற்றிரவு (ஜன.27) புளியங்குடியில் உள்ள பாலசுப்பிரமணிய சுவாமி ஆலயத்தில் நடந்த தெப்பத் திருவிழாவில் கலந்து கொண்டனர். இதன் பின்னர் அங்கிருந்து காரில் குற்றாலம் சென்று விட்டு திரும்பும் வழியில் இந்த விபத்து நடந்ததாக போலீசாரின் முதற்கட்ட தகவல் வெளியாகியுள்ளது.
குற்றாலத்திலிருந்து இன்று (ஜன.28) அதிகாலை 3:30 மணி அளவில் புளியங்குடி நோக்கி இவர்கள் காரில் திரும்பிக் கொண்டிருந்த நிலையில், புளியங்குடி அருகில் உள்ள சிங்கிலிப்பட்டிற்கும், புன்னையாபுரத்திற்கு இடையே வந்து கொண்டிருந்தனர். அப்போது, கார் ஓட்டுநர் கண் அயர்ந்ததாக கூறப்படுகிறது. இதில், அவ்வழியாக கேரளா மாநிலத்திற்கு சிமெண்ட் மூட்டைகளை ஏற்றிக்கொண்டு வந்த லாரி மீது கார் மோதி விபத்துக்குள்ளானது.
இந்த கோர விபத்தில் கார் மீது, லாரி ஏரி இறங்கியதாக கூறப்படுகிறது. இவ்விபத்தில் கார் முழுவதுமாக நொறுங்கியதில் காரில் பயணம் செய்த ஓட்டுநர் உட்பட 5 பேர் சம்பவ இடத்தில் உயரிழந்துள்ளனர். ஒருவர் உயிருக்கு போராடிய நிலையில் அவரை அப்பகுதியில் இருந்தவர்கள் மீட்டு ஆம்புலன்ஸ் மூலம், புளியங்குடி அரசு மருத்துவமனைக்கு கொண்டு செல்லும் வழியில் அவர் பரிதாபமாக உயிரிழந்துள்ளதாக கூறப்படுகிறது.
இந்த கோர சம்பவம் குறித்து, தகவல் அறிந்து சம்பவ இடத்திற்கு வந்த சொக்கம்பட்டி காவல்துறை துணை கண்காணிப்பாளர் உள்ளிட்ட போலீசார், தீயணைப்புத்துறையினர் விபத்தில் உயிரிழந்தவர்களின் உடல்களை இடிபாடுகளில் இருந்து மீட்டனர். இதனைத்தொடர்ந்து, தென்காசி மாவட்ட காவல்துறை கண்காணிப்பாளர் சுரேஷ் குமார் சம்பவ இடத்திற்கு விரைந்து வந்து ஆய்வு மேற்கொண்டார்.
இதனையடுத்து, விபத்தில் உயிரிழந்தவர்களின் உடல்கள் பிரேத பரிசோதனைக்காக திருநெல்வேலி அரசு மருத்துவமனைக்கு கொண்டு செல்லப்பட்டன. இவ்விபத்தால் அப்பகுதியில் போக்குவரத்து பாதிப்பு ஏற்பட்டது. அதிகாலையில் காரும், லாரியும் நேருக்கு நேராக மோதி கொண்ட இவ்விபத்தில் ஒரே பகுதியைச் சேர்ந்த 6 பேர்கள் உயிரிழந்த சம்பவம் அப்பகுதியில் பெரும் சோகத்தையும், பரபரப்பை ஏற்படுத்தியுள்ளது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.