ராமேசுவரம் அருகே விசைப்படகு பழுதானதால் கடலில் சிக்கி தவித்த புதுக்கோட்டை மீனவர்கள் 4 பேர் பத்திரமாக மீட்கப்பட்டனர்.
விசைப்படகு
புதுக்கோட்டை மாவட்டம், கோட்டைப்பட்டினம் மற்றும் ஜெகதாப்பட்டினம் பகுதியில் 500-க்கும் மேற்பட்ட விசைப்படகுகள் உள்ளன. இதில் நாள்தோறும் ஆயிரக்கணக்கான மீனவர்கள் கடலுக்கு மீன்பிடிக்க செல்வது வழக்கம். இந்தநிலையில் கடந்த 3-ந் தேதி கோட்டைப்பட்டினம் பகுதியிலிருந்து 200-க்கும் மேற்பட்ட விசைப்படகுகளில் மீனவர்கள் கடலுக்கு மீன்பிடிக்க சென்றனர்.
இதில் கோட்டைப்பட்டினம் பகுதியை சேர்ந்த அமீர் சுல்தான் மகன் சாகுல் ஹமீது என்பவருக்கு சொந்தமான விசைப்படகில் அதே பகுதியை சேர்ந்த ராஜா (வயது 41), சுப்பிரமணியன் (40), இஸ்மாயில் (38), அசார் (35) ஆகிய 4 மீனவர்களும் கடலுக்கு மீன்பிடிக்க சென்றனர்.
மீனவர்கள் மாயம்
இவர்கள் நேற்று முன்தினம் கரை திரும்பி இருக்க வேண்டும். ஆனால் வெகு நேரமாகியும் மீனவர்கள் கரை திரும்பவில்லை. இதனால் மீனவர்கள் நிலைமை என்னவென்று தெரியாமல் உறவினர்கள் மற்றும் மீனவர்கள் கவலை அடைந்தனர். இதையடுத்து, காணாமல் போன மீனவர்களை தேடி ஒரு விசைப்படகு மூலம் மீனவர்கள் கடலுக்கு சென்றனர். மேலும், கடலோர காவல் குழுமத்தினர் ரோந்து படகு மூலம் மீனவர்களை தேடி சென்றனர்.
இதேபோல் புதுக்கோட்டை மீனவர்கள் 4 பேர் காணவில்லை என்று அருகே உள்ள மாவட்டங்களுக்கு மீன்வளத்துறை மற்றும் கடலோர காவல் குழுமத்தினர் தகவல் தெரிவித்தனர்.
4 பேர் மீட்பு
இந்தநிலையில் புதுக்கோட்டை மீனவர்களின் விசைப்படகு ராமேசுவரம் அருகே பழுதாகி நின்றதை கண்ட ராமேசுவரம் மீனவர்கள் இதுகுறித்து கடலோர காவல் குழுமத்திற்கு தகவல் தெரிவித்தனர். இதையடுத்து இங்கிருந்து தேடிச்சென்ற விசைப்படகுக்கு ஜி.பி.எஸ். மூலம் அவர்கள் இருக்கும் இடத்தை தெரிவித்தனர். அதன்பேரில் அங்கு சென்ற மீனவர்கள், மாயமான புதுக்கோட்டை மீனவர்கள் 4 பேரையும் பத்திரமாக மீட்டனர். மேலும் அவர்களது விசைப்படகையும் கயிறு மூலம் கட்டி கரைக்கு இழுத்து வந்தனர்.
மாயமான 4 மீனவர்களும் கரை திரும்பியதால் அவர்களது குடும்பத்தினர் மகிழ்ச்சி அடைந்து உள்ளனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.