சேலம் அருகே கார்- மோட்டார் சைக்கிள் நேருக்கு நேர் மோதி விபத்துக்குள்ளானதில் கல்லூரி மாணவர்கள் 2 பேர் பலியானார்கள். 3 பேர் காயம் அடைந்தனர்.
கார்- மோட்டார் சைக்கிள் மோதல்
புதுக்கோட்டை மாவட்டம் அம்மாபட்டணம் பகுதியை சேர்ந்தவர் ஹனிபா (வயது 22). தூத்துக்குடி மாவட்டம் காயல்பட்டினம் பகுதியை சேர்ந்தவர் இஸ்மாயில் (22). நண்பர்களான இருவரும் திருச்சியில் உள்ள ஜமால் முகமது கல்லூரியில் பி.எஸ்சி. படித்து வந்தனர்.
இந்த நிலையில் ஹனிபா, இஸ்மாயில் உள்பட 5 மாணவர்கள் திருப்பத்தூர் அருகே உள்ள ஏலகிரி மலைக்கு சுற்றுலா செல்வதற்காக 3 மோட்டார் சைக்கிள்களில் புறப்பட்டனர்.
ஹனிபாவும், இஸ்மாயிலும் ஒரே மோட்டார் சைக்கிளில் சென்றனர். மோட்டார் சைக்கிளை ஹனிபா ஓட்டினார். இஸ்மாயில் பின்னால் அமர்ந்திருந்தார். அவர்கள் நேற்று மதியம் சேலம் அருகே அரூர் மெயின் ரோடு சுக்கம்பட்டி கோமாளி வட்டம் பகுதியில் சென்று கொண்டிருந்தனர். அப்போது பாப்பிரெட்டிப்பட்டியில் இருந்து சேலம் நோக்கி வந்த கார் எதிர்பாராதவிதமாக ஹனிபா ஓட்டிச்சென்ற மோட்டார் சைக்கிளுடன் நேருக்கு நேர் மோதியது.
2 மாணவர்கள் பலி
இதில் மோட்டார் சைக்கிளில் சென்ற மாணவர்கள் ஹனிபா, இஸ்மாயில் ஆகிய 2 பேரும் தூக்கி வீசப்பட்டு படுகாயம் அடைந்து சம்பவ இடத்திலேயே இறந்தனர். அவரது உடல்களை பார்த்து சக மாணவர்கள் கதறி அழுதது பார்க்க பரிதாபமாக இருந்தது. மேலும் மோதிய வேகத்தில் கார் சாலையோரத்தில் இருந்த மரத்தில் மோதியது. அதில் காருக்குள் இருந்த 3 பேர் காயம் அடைந்தனர்.
இதுகுறித்து தகவல் கிடைத்ததும் வீராணம் போலீஸ் இன்ஸ்பெக்டர் சங்கீதா மற்றும் போலீசார் சம்பவ இடத்துக்கு விரைந்து சென்றனர். பின்னர் காரில் இருந்த 3 பேரையும் மீட்டு சிகிச்சைக்காக சேலம் அரசு ஆஸ்பத்திரிக்கு அனுப்பி வைத்தனர். அங்கு அவர்களுக்கு டாக்டர்கள் சிகிச்சை அளித்து வருகின்றனர்.
போலீசார் விசாரணை
இதை தொடர்ந்து விபத்தில் பலியான மாணவர்கள் ஹனிபா, இஸ்மாயில் ஆகியோரின் உடல்களை மீட்டு பிரேத பரிசோதனைக்காக சேலம் அரசு ஆஸ்பத்திரிக்கு அனுப்பி வைத்தனர். இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.
மோட்டார் சைக்கிள், கார் மோதி கொண்ட விபத்தில் 2 கல்லூரி மாணவர்கள் பலியான சம்பவம் அப்பகுதியில் சோகத்தை ஏற்படுத்தியது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.