காரைக்குடி அழகப்பா பல்கலைக்கழக கடலியல் துறை சார்பில் தொண்டியில் நடந்த மீனவ பெண்களுக்கான கடல்பாசி வளர்ப்பு பயிற்சி முகாமை பல்கலைக்கழக பதிவாளர் தொடங்கி வைத்தாதர்.
மீனவ பெண்களுக்கு பயிற்சி
தொண்டியில் காரைக்குடி அழகப்பா பல்கலைக்கழகத்தின் கடலியல் மற்றும் கடலோரவியல் துறை மற்றும் தொண்டி அன்பாலயா கடல் சார்ந்த மீனவ உற்பத்தியாளர் நிறுவனம் சார்பில் மீனவ பெண்களுக்கான கடல் பாசி வளர்ப்பு பயிற்சி முகாம் தொடக்க விழா நடைபெற்றது. விழாவிற்கு காரைக்குடி அழகப்பா பல்கலைக்கழக பதிவாளர் பேராசிரியர் செந்தில் ராஜன் தலைமை தாங்கினார். கடலியல் மற்றும் கடலோரவியல் துறை தலைவர் ரவிக்குமார் முன்னிலை வகித்தார். அனைவரையும் கடலியல் துறை இணை பேராசிரியர் பரமசிவம் வரவேற்றார்.
விழாவில் ராமநாதபுரம் மீன்வளத் துறை உதவி இயக்குனர் கோபிநாத், மத்திய உப்பு மற்றும் கடல் ரசாயன ஆராய்ச்சி நிறுவனம் மற்றும் கடல்பாசி ஆராய்ச்சி மைய முதன்மை விஞ்ஞானி வீரகுருநாதன் ஆகியோர் சிறப்புரையாற்றினர். அழகப்பா பல்கலைக்கழக பதிவாளர் பேராசிரியர் செந்தில் ராஜன் குத்துவிளக்கு ஏற்றி முகாமை தொடங்கி வைத்தார்.
வாழ்வாதாரம் உயர
தொடர்ந்து அவர் அழகப்பா பல்கலைக்கழக கடலியல் மற்றும் கடலோரவியல் துறை மற்றும் தொண்டி அன்பாலயா கடல் சார்ந்த மீனவ உற்பத்தியாளர் நிறுவனம் சார்பில் நடத்தப்பட்ட பாசிப்பட்டினம் மீனவ பெண்களுக்கான மீன்பிடிவலை பின்னுதல் பயிற்சி நிறைவு விழாவையொட்டி பயிற்சி பெற்ற பெண்களால் பின்னப்பட்ட மீன்பிடி வலைகளை பார்வையிட்டார். அப்போது அவர் பேசியதாவது:- காரைக்குடி அழகப்பா பல்கலைக்கழகத்தின் கடலியல் துறை மீனவ மக்களுக்காக இது போன்ற ஏராளமான பயிற்சிகளை தொடர்ந்து அளித்து வருகிறது.
இந்த பயிற்சிகளில் மீனவ பெண்கள் கலந்து கொண்டு தங்களது வாழ்வாதாரத்தை உயர்த்த முன்வர வேண்டும். கடல்பாசி வளர்ப்பு, மீன்பிடி வலை பின்னுதல் போன்ற பல்வேறு கட்ட பயிற்சிகளை வழங்குவதன் மூலம் மீனவ மக்களின் வாழ்வாதாரம் உயர்வதற்கு அழகப்பா பல்கலைக்கழகம் தொடர்ந்து வழிகாட்டி வருகிறது என்றார்.
உபகரணங்கள்
அதன்பின்னர் பயிற்சியில் கலந்துகொண்டு பயிற்சி பெற்ற 40 மீனவ பெண்களை பாராட்டினார். தொடர்ந்து கடல்பாசி வளர்ப்பு பயிற்சியில் பயிற்சி பெற உள்ள காரங்காடு, மோர்ப்பண்ணை, தொண்டி, புதுக்குடி மீனவ கிராமங்களை சேர்ந்த 30 மீனவ பெண்களுக்கு கடல்பாசி வளர்ப்பதற்கான உபகரணங்களை வழங்கினார்.
நிகழ்ச்சியில் அன்பாலயா கடல் சார்ந்த மீனவ உற்பத்தியாளர் நிறுவன நிர்வாக இயக்குனர்கள் சவேரியார், செல்வி சவேரியார், பயிற்றுனர்கள் முத்து நெய்னார், செங்கோல், கடலியல் துறை உதவி பேராசிரியர்கள், மீனவ பெண்கள், கடலியல் துறை மாணவ, மாணவிகள் உள்பட பலர் கலந்து கொண்டனர். முடிவில் கடலியல் துறை இணை பேராசிரியர் பரமசிவம் நன்றி கூறினார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.