மின்கம்பியை மாற்ற லஞ்சம்
ராமநாதபுரம் மாவட்டம் தேவிபட்டினம் ஊராட்சியை சேர்ந்தவர் முகம்மது பிலால். இவர் தனது வீட்டின் மேலே செல்லக்கூடிய மின் கம்பியை மாற்றித்தர வேண்டுமென சம்பந்தப்பட்ட மின்துறை அதிகாரிகளிடம் கோரிக்கை வைத்து வந்தார். இருப்பினும் அதற்கான நடவடிக்கை எடுக்கப்படாததால் தேவிபட்டினம் உதவி மின் பொறியாளரிடம் மின் கம்பியை மாற்றித்தருமாறு கேட்டுள்ளார்.
அப்போது அவர் ரூ.42 ஆயிரத்து 900ஐ ஆன்லைன் மூலம் செலுத்தி விட்டு வாருங்கள் என தெரிவித்துள்ளார். உடனே ஆன்லைன் மூலம் பணத்தை கட்டி விட்டு அதன் ரசீதை பிலால் சம்பந்தப்பட்ட துறையினரிடம் கொடுத்தார்.
ரூ.9 ஆயிரம்
இந்த நிலையில் தேவிபட்டினம் மின் உதவி பொறியாளர் அலுவலகத்தில் பணிபுரியும் வணிக ஆய்வாளர் ரமேஷ்பாபுவை(வயது 47) சந்தித்து ஒரு மாதம் ஆகியும் இன்னும் மின்கம்பியை மாற்றும் பணி தொடங்கவில்லை என கேட்டுள்ளார். அதற்கு அவர் பணி விரைந்து நடக்க வேண்டுமானால் உதவி பொறியாளருக்கு ரூ.3 ஆயிரம், ஊழியர்களுக்கு ரூ.6 ஆயிரம் என மொத்தம் ரூ.9 ஆயிரம் லஞ்சமாக கொடுக்க வேண்டும் என முகம்மது பிலாலிடம் கூறினாராம்.
ஆனால் லஞ்சம் கொடுக்க விரும்பாத பிலால் உடனடியாக இதுகுறித்து ராமநாதபுரம் லஞ்ச ஒழிப்பு போலீசாரிடம் புகார் அளித்தார்.
2 பேர் கைது
போலீசாரின் ஆலோசனையின்படி ரசாயன பவுடர் தடவிய ரூ.9 ஆயிரத்துக்கான பண நோட்டுகளை வணிக ஆய்வாளர் ரமேஷ் பாபுவிடம் முகம்மது பிலால் கொடுத்தார். அதில் ரூ.3 ஆயிரத்தை மட்டும் பெற்றுக்கொண்ட அவர் மீதம் உள்ள 6 ஆயிரம் ரூபாயை மின் ஊழியர் (வயர்மேன்) கந்தசாமியிடம்(53) கொடுங்கள் என தெரிவித்தார். மீதி பணத்தை அவரிடம் பிலால் கொடுத்தார்.
அப்போது அங்கு மறைந்து நின்றிருந்த லஞ்ச ஒழிப்பு போலீசார் இருவரையும் கைது செய்தனர். மேலும் அலுவலக உதவி மின் பொறியாளர் செல்வி (38) என்பவருக்கும் இதில் தொடர்பு இருப்பதாக கருதி அவரையும் விசாரணை வளையத்திற்குள் கொண்டு வந்தனர். அவரிடம் தொடர்ந்து விசாரித்து வருகிறார்கள். இந்த நடவடிக்கை அப்பகுதியில் பரபரப்பை ஏற்படுத்தியது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.