புதுக்கோட்டை மாவட்டம் கந்தர்வகோட்டை அருகே சங்கம் விடுதி ஊராட்சியில், குருவாண்டான் தெருவில் மேல்நிலை நீர்த்தேக்க தொட்டி உள்ளது. இந்த குடிநீர் தொட்டியில் இருந்து அப்பகுதி மக்களுக்கு குடிநீர் வினியோகம் செய்யப்படுகிறது. கடந்த சில நாட்களுக்கு முன்பு இப்பகுதியை சோ்ந்த சிலருக்கு வாந்தி, மயக்கம் ஏற்பட்டு சிகிச்சை பெற்று வீடு திரும்பியுள்ளனர். அவர்களுககு திடீர் உடல் நலக்குறைவுக்கு ஏற்பட்டதற்கு காரணம் புரியாமல் அவர்கள் இருந்தனர்.
இந்த நிலையில் கடந்த 25-ந் தேதி அந்த மேல் நிலை நீர்த்தேக்க தொட்டியில் இருந்து குடிநீர் கலங்கலாக வந்துள்ளது. இதையடுத்து அப்பகுதியை சேர்ந்த இளைஞர்கள் சிலர் அந்த மேல்நிலை நீர்த்தேக்க தொட்டியின் மீது ஏறி சென்று பார்வையிட்டனர். அப்போது தொட்டியின் உள்ளே மாட்டு சாணம் கலந்திருப்பதாக கூறி அந்த கழிவை வெளியே எடுத்து வந்தனர். இதனை மர்ம ஆசாமிகள் தொட்டியில் கலந்திருக்கலாம் என சந்தேகம் எழுப்பினர்.
குடிநீர் தொட்டியில் மாட்டு சாணம் கலக்கப்பட்டதாக கூறப்பட்ட சம்பவம் பெரும் பரபரப்பை ஏற்படுத்தியது. இது தொடர்பாக வருவாய்த்துறை அதிகாரிகள், போலீசார் சம்பவ இடத்திற்கு சென்று விசாரணை நடத்தினர். மேலும் கந்தர்வகோட்டை வட்டார வளர்ச்சி அலுவலர் பெரியசாமி அந்த குடிநீர் மாதிரியை சேகரித்து திருச்சியில் உள்ள மண்டல பொது சுகாதார நீர் பகுப்பாய்வகத்திற்கு பரிசோதனைக்காக அனுப்பி வைத்தார்.
இதில் அந்த நீரை பகுப்பாய்வு செய்து மாவட்ட நிர்வாகத்திற்கு நேற்று அறிக்கை வந்தது. இதில் குடிநீர் மாதிரியானது குடிப்பதற்கு உகந்தது என்றும், நோய் கிருமி தொற்றுகள் ஏதும் இல்லை என்றும் அறிக்கை வந்தது.
இதுகுறித்து கலெக்டர் அலுவலக அதிகாரிகள் கூறுகையில், ‘‘இந்த அறிக்கையின் மூலம் மேல் நிலை நீர்த்தேக்க தொட்டியில் மாட்டு சாணம் கலக்கப்படவில்லை என்பது உறுதியாகியுள்ளது. அந்த குடிநீர் குடிப்பதற்கு உகந்தது என்பதின் மூலம் அந்த தொட்டியில் கிடந்த கழிவு பொருள் மாட்டு சாணம் இல்லை என்பதும் நிரூபணமாகியுள்ளது'' என்றனர்.
மேலும் அதிகாரிகள் கூறுகையில், ‘‘குடிநீர் தொட்டியில் கிடந்த கழிவு பொருள் மாதிரி எடுக்கப்பட்டுள்ளது. அந்த கழிவு குடிநீர் தொட்டி கழுவப்படாமல் இருந்ததால் பாசி போன்று இருந்துள்ளது. இதனை மாட்டு சாணம் என கூறியுள்ளனர்'' என்றனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.