குற்றாலம் சென்றனர்
ராமநாதபுரம் மாவட்டம் சாயல்குடி அருகே வாலிநோக்கம் கிராமத்தை சேர்ந்தவர் முகமது மாலிக் (வயது 35). இவருடைய மனைவி அகமது நிஷா (26). இவர்களுக்கு அஸ்ரின் பாத்திமா (4), அப்ரின் பாத்திமா (3) ஆகிய 2 மகள்கள். சீனி பர்கான் என்ற 8 மாத ஆண் குழந்தையும் உண்டு.
முகமது மாலிக்கின் மாமியார் மாரியூர் கிராமத்தை சேர்ந்த பரிதாபீவி (62).
இந்த நிலையில் முகமது மாலிக் தனது குடும்பத்தினர் மற்றும் மாமியார் பரிதாபீவி ஆகியோருடன் குற்றாலத்துக்கு காரில் சென்றார். அங்கிருந்து ஊருக்கு நேற்று திரும்பி வந்து கொண்டிருந்தனர். காரை முகமது மாலிக் ஓட்டினார்.
3 பேர் பலி
நரிப்பையூர்-சாயல்குடி கிழக்கு கடற்கரை சாலை பகுதியில் உறைகிணறு அருகே கார் வந்து கொண்டிருந்தது. அப்போது திடீரென கட்டுப்பாட்டை இழந்த கார் தாறுமாறாக ஓடி சாலையோர பள்ளத்தில் பாய்ந்து உருண்டு, பனை மரத்தில் மோதி நொறுங்கியது. இந்த சம்பவத்தில் காருக்குள் இருந்த பரிதாபீவி, இவருடைய பேத்தி அப்ரின் பாத்திமா, பேரனான 8 மாத குழந்தை சீனி பர்கான் ஆகியோர் சம்பவ இடத்திலேயே பலியாகினர்.
உயிருக்கு போராடிய முகமது மாலிக், அகமது நிஷா, அஸ்ரின் பாத்திமா ஆகியோரை சாயல்குடி தீயணைப்பு படை வீரர்கள் மீட்டனர். 3 பேரையும் 108 ஆம்புலன்ஸ் மூலம் ராமநாதபுரம் அரசு ஆஸ்பத்திரிக்கு அனுப்பி வைத்தனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது.
போலீஸ் விசாரணை
இந்த விபத்து குறித்து தகவல் அறிந்த கீழக்கரை துணை போலீஸ் சூப்பிரண்டு சுதர்லால், சாயல்குடி இன்ஸ்பெக்டர் முகம்மது இர்ஷாத் ஆகியோர் சம்பவ இடத்தை பார்வையிட்டு விசாரணை நடத்தினர். பலியான 2 குழந்தைகள் உள்பட 3 பேரின் உடல்களை கடலாடி அரசு ஆஸ்பத்திரிக்கு பிரேத பரிசோதனைக்கு அனுப்பி வைத்தனர்.
இதுகுறித்து சாயல்குடி போலீசார் வழக்கு பதிவு செய்து விசாரணை நடத்தி வருகின்றனர். இந்த சம்பவம் அப்பகுதியில் பெரும் சோகத்தை ஏற்படுத்தியது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.