புதுக்கோட்டையில் பிரேக் பிடிக்காமல் சென்ற அரசு பஸ், மோட்டார் சைக்கிள் மீது மோதி நின்றது. 2 பேர் அதிர்ஷ்டவசமாக உயிர்தப்பினர்.
பணிமனை
புதுக்கோட்டை புதிய பஸ் நிலையத்தின் பின்புறம் அரசு போக்குவரத்து கழக பணிமனை உள்ளது. இதில் பஸ்கள் பராமரிப்புக்கு செல்வதோடு, பஸ்களும் நிறுத்தி வைக்கப்பட்டு இயக்கப்படுகிறது. இந்த நிலையில் நேற்று புதுக்கோட்டை புதிய பஸ் நிலையத்தில் இருந்து அரசு போக்குவரத்து கழக பணிமனைக்கு அரசு பஸ் ஒன்று சென்றது. அறந்தாங்கியில் இருந்து திருச்சி செல்லக்கூடிய அந்த பஸ், புதிய பஸ் நிலையம் அருகே உள்ள கோவில் பக்கம் திரும்பி பணிமனை நோக்கி வந்தது. அப்போது பஸ்சில் பிரேக் பிடிக்காமல் டிரைவரின் கட்டுப்பாட்டை இழந்து சென்றது. அந்த நேரத்தில் எதிரே இரு சக்கர வாகனத்தில் 2 பேர் வந்தனர். அவர்கள் பஸ் வரும் நிலையை பார்த்து, நிலைகுலைந்து மோட்டார் சைக்கிளை போட்டு விட்டு குதித்து தப்பினர். அப்போது பஸ் மோட்டார் சைக்கிள் மீது மோதி, தரையில் சிறிது தூரம் இழுத்து சென்றது. மேலும் மோட்டார் சைக்கிள் மீது பஸ்சின் முன்சக்கரம் ஏறியது. மேலும் பஸ் அதன்பின் நகரவில்லை.
உயிர் தப்பினர்
கண்ணிமைக்கும் நேரத்தில் இந்த சம்பவம் அப்பகுதியில் பரபரப்பை ஏற்படுத்தியது. அருகில் ஆட்டோ நிறுத்தத்தில் இருந்தவர்கள் அலறி அடித்து ஓடிவந்தனர். அதேநேரத்தில் பஸ் பிரேக் பிடிக்காமல் சென்றதால் பஸ்சில் இருந்த கண்டக்டர் இறங்கி ஓடி வந்து எச்சரிக்கை விடுத்தார்.
மோட்டார் சைக்கிளை போட்டு விட்டு தப்பியதால் அதில் வந்த 2 பேரும் அதிர்ஷ்டவசமாக உயிர்தப்பினர். மேலும் பஸ்சில் பயணிகள் யாரும் இல்லாததால் எந்த அசம்பாவிதமும் ஏற்படவில்லை. பஸ் மோதியதில் மோட்டார் சைக்கிள் பலத்த சேதமடைந்தது. மோட்டார் சைக்கிளை அப்புறப்படுத்திய பின் அரசு பஸ் பணிமனைக்கு கொண்டு செல்லப்பட்டது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.