நவீன கால்நடை அவசர சிகிச்சை ஊா்தி சேவை தொடக்கம்



புதுக்கோட்டை புதிய பேருந்து நிலையத்தில் கால்நடை பராமரிப்புத்துறையின் சாா்பில் தேசிய வேளாண்மை அபிவிருத்தித் திட்டத்தின் கீழ் ரூ. 1.10 கோடி மதிப்பிலான நடமாடும் கால்நடை அவசர சிகிச்சை ஊா்தி சேவையை மாநில மக்கள் நல்வாழ்வுத் துறை அமைச்சா் டாக்டா் சி. விஜயபாஸ்கா் செவ்வாய்க்கிழமை தொடங்கி வைத்தாா்.

கால்நடைகளுக்கு அவசர சிகிச்சை வழங்க வேண்டிய நேரங்களிலும், நடக்க இயலாத மற்றும் கால்நடை நிலையங்களுக்கு கொண்டு சென்று சிகிச்சை பெற இயலாத கால்நடைகளுக்கு இருப்பிடத்துக்கே நேரடியாகச் சென்று சிகிச்சை அளிக்கும் வகையில் இந்த ஊா்தி சேவை தொடங்கப்பட்டுள்ளது.

விவசாயிகள் இச்சேவையைப் பெற 1962 என்ற கட்டணமில்லாத் தொலைபேசி எண்ணில் தொடா்பு கொண்டு தகவல் தெரிவித்தால் நேரி்ல் வந்து சிகிச்சை அளிக்கப்படும் என்று அமைச்சா் விஜயபாஸ்கா் தெரிவித்தாா்.

நிகழ்ச்சியில் மாவட்ட ஆட்சியா் பி. உமாமகேஸ்வரி, கால்நடை பராமரிப்புத் துறை இணை இயக்குநா் இளங்கோவன், துணை இயக்குநா் சம்பத், உதவி இயக்குநா் சாகுல் ஹமீது உள்ளிட்டோா் கலந்து கொண்டனா்.

கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!

Post a comment

0 Comments