சென்னை மெட்ரோ ரெயில் நிர்வாகம் செல்போன்கள் மூலம் டிக்கெட் எடுக்க வருகிற ஜனவரியில் புதிய செயலி வெளியிடுகிறது. இது தவிர QR-கோடு முறையும் அமல்படுத்தப்பட உள்ளது.
சென்னை மெட்ரோ ரெயில் நிர்வாகம் பயணிகளுக்கு பல்வேறு சிறப்பு சலுகைகளை செய்து வருகிறது. இதனால் மெட்ரோ ரெயிலில் பயணம் செய்வோரின் எண்ணிக்கை நாளுக்கு நாள் அதிகரித்து வருகிறது.
பயணிகளின் வசதிக்காக செல்போன் மூலம் டிக்கெட் எடுக்கும் புதிய முறையை விரைவில் அமல்படுத்த உள்ளது. இதன் மூலம் பயணிகள் வரிசையில் நின்று டிக்கெட் எடுக்க வேண்டியதில்லை. நேரடியாக பணம் செலுத்த வேண்டாம்.
செல்போன்கள் மூலம் டிக்கெட் எடுக்க புதிய செயலி
செல்போன்கள் மூலம் டிக்கெட் எடுக்க வருகிற ஜனவரியில் சென்னை மெட்ரோ ரெயில் புதிய ‘ஆப்’ (செயலி) வெளியிடுகிறது. அதை செல்போனில் (ஸ்மார்ட் போனில்) பதிவிறக்கம் செய்ய வேண்டும்.
அதன் மூலம் ஸ்மார்ட் கார்டில் பணத்தை ‘ரீசார்ஜ் செய்து கொள்ளலாம். ரெயில் பயணத்தின்போது பிளாட்பாரத்தின் நுழைவு வாயிலுக்கு முன்பு தானியங்கி கட்டண வசூலிப்பு மையத்தில் செல்போன் மூலம் செலுத்திவிட்டு செல்லலாம்.
இது தவிர ‘கியூஆர்-கோடு முறையும் அமல்படுத்தப்பட உள்ளது. இ-டிக்கெட்டை அடிப்படையாக கொண்டது. இன்னும் 6 மாதத்தில் நடைமுறைப்படுத்தப்பட உள்ளது.
‘கியூஆர்-கோடு இ-டிக்கெட்டை ‘ஆப்’ மூலம் டெபிட் மற்றும் கிரெடிட் கார்டை பயன்படுத்தி பெறலாம். இவற்றின் மூலம் வரிசையில் நின்று பயணிகள் டிக்கெட் பெறுவது தவிர்க்கப்படும்.
டிக்கெட் கவுண்டரில் பணம் மற்றும் கணக்குகளை கையாள்வதில் மெட்ரோ ரெயில் ஊழியர்களுக்கும் இது மிகவும் வசதியாக இருக்கும். இந்த முறை மும்பையில் 10 மெட்ரோ ரெயில் நிலையங்களிலும், டெல்லி மெட்ரோ மற்றும் விமான நிலையத்திலும் நடைமுறையில் உள்ளது. ஐதராபாத் மெட்ரோ ரெயில் நிலையம் சமீபத்தில் தான் கியூஆர்-கோடு டிக்கெட் முறையை அமல்படுத்தியது.
கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.