மாணவர்கள் தேர்ச்சியில் பெற்றோர்களின் ஒத்துழைப்பும் அவசியம்; புதுக்கோட்டை மாவட்ட முதன்மை கல்வி அதிகாரி பேச்சு
மாணவர்கள் தேர்ச்சியில் பெற்றோர்களின் ஒத்துழைப்பும் அவசியம் இருக்க வேண்டும் என பள்ளி விழாவில் மாவட்ட முதன்மை கல்வி அதிகாரி விஜயலட்சுமி பேசினார்.
புதுக்கோட்டை மாவட்டம் நல்லூரில் அரசு உயர் நிலைப்பள்ளி உள்ளது. இப்பள்ளியில் விளையாட்டு விழா, பரிசளிப்பு விழா மற்றும் இலக்கிய மன்ற விழா ஆகிய முப்பெரும் விழா நடைபெற்றது. விழாவிற்கு பள்ளியின் தலைமை ஆசிரியர் பிச்சைவேல் தலைமை தாங்கினார். பட்டதாரி ஆசிரியர் லாசர் ஆண்டறிக்கை வாசித்தார். விளையாட்டு விழாவை முன்னாள் எம்.எல்.ஏ. கவிதைப்பித்தன் தொடங்கி வைத்தார்.
விழாவில் புதுக்கோட்டை மாவட்ட கூட்டுறவு ஒன்றிய தலைவர் பழனியாண்டி, பெருமாநாடு பள்ளி தலைமை ஆசிரியர் மாரிமுத்து ஆகியோர் கலந்து கொண்டு பேசினார்கள். விழாவில் சிறப்பு அழைப்பாளராக மாவட்ட முதன்மை கல்வி அதிகாரி விஜயலட்சுமி கலந்து கொண்டு, இலக்கிய மன்ற போட்டிகள் உள்பட பல்வேறு போட்டிகளில் வெற்றி பெற்ற மாணவ, மாணவிகளுக்கு சான்றிதழ்கள் மற்றும் பரிசுகளை வழங்கினார்.
அப்போது அவர் பேசுகையில், எதிர்காலத்தில் இந்த பள்ளி இன்னும் சிறப்பு மிக்க பள்ளியாக மாறும். இப்பள்ளி இந்த ஆண்டு 100 சதவீத தேர்ச்சியை எட்டும் என்ற நம்பிக்கை உள்ளது. ஆசிரியர்களால் மட்டுமே மாணவர்களை தேர்ச்சி பெற வைத்துவிட முடியாது. பெற்றோர்களின் ஒத்துழைப்பும் அவசியம் தேவை. மாணவர்கள் படிக்கும்போது பெற்றோர்கள் பக்கத்தில் அமர்ந்து இருந்தாலே போதுமானது என்றார்.
விழாவையொட்டி மாணவ, மாணவிகளின் கலைநிகழ்ச்சிகள் நடைபெற்றது. முன்னதாக உதவி தலைமை ஆசிரியர் பழனிச்சாமி வரவேற்றார். முடிவில் ஆசிரியர் வெங்கடேஷ் நன்றி கூறினார்.
கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.