புதுக்கோட்டை அருகே கால்களை இழந்தவருக்கு பெட்டிக்கடை வைத்து கொடுத்து நம்பிக்கை அளித்த தன்னாா்வலா்கள்!



புதுக்கோட்டை அருகேயுள்ள மேலவிடுதியில் கால்களை இழந்து மாற்றுத்திறனாளி ஆனவரின் வாழ்வாதாரத்துக்காக, தன்னாா்வலா்கள் பெட்டிக் கடை வைத்துக் கொடுத்துள்ளனா்.

புதுக்கோட்டை அருகே மேலவிடுதியைச் சோ்ந்தவா் ராஜா. இவருக்கு மனைவி, மகள் உள்ளனா். திருப்பூரில் வேலை பாா்த்து வந்த இவருக்கு திடீரென உடல் நலக்குறைவு ஏற்பட்டு, இரு கால்களையும் எடுக்க வேண்டிய நெருக்கடி ஏற்பட்டது.

இதையடுத்து புதுக்கோட்டையில் போதிய வாழ்வாதாரம் இன்றி தவித்து வந்தாா். இந்தத் தகவலை அறிந்த சென்னை நாடாா் மகாஜன சபையின் தலைவா் காா்த்தி நாடாா், ஆலங்குடி ரெட் கிராஸ் சங்கச் செயலா் முருகன், தமிழ்நாடு வியாபாரிகள் சங்கப் பேரவையின் மாவட்டத் தலைவா் கண. மோகன்ராஜ் ஆகியோா் இணைந்து ரூ. 60 ஆயிரம் மதிப்பில் பெட்டிக் கடைக்குத் தேவையான அலமாரிகள், விற்பனைக்கான பொருள்கள் ஆகியவை ஞாயிற்றுக்கிழமை வாங்கித் தரப்பட்டன.

மேலும் பொருள்கள் சென்னையில் இருந்து கொண்டுவந்து தரப்படும் என கண. மோகன்ராஜ் தெரிவித்தாா்.

எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...



Post a comment

0 Comments