புதுக்கோட்டை புதிய பஸ் நிலையத்தில் தாறுமாறாக ஓடிய அரசு பஸ் தூணில் மோதி நின்றது. பெண் பயணி காயமடைந்தார். அதிர்ஷ்டவசமாக பெரும் விபத்து தவிர்க்கப்பட்டது.
அரசு டவுன் பஸ்
புதுக்கோட்டை புதிய பஸ் நிலையம் நேற்று காலை பரபரப்பாக இயங்கி கொண்டிருந்தது. இந்த நிலையில் கீரனூரில் இருந்து உப்பிலியக்குடி வழியாக புதுக்கோட்டைக்கு நேற்று காலை அரசு டவுன் பஸ் ஒன்று வந்தது. அப்போது புதிய பஸ் நிலையத்திற்குள் பஸ் வந்ததும், வழித்தடத்தில் பஸ்சை டிரைவர் மதியழகன் நிறுத்த முயன்றார்.
ஆனால், அவரது கட்டுப்பாட்டை இழந்த பஸ் திடீரென தாறுமாறாக ஓடி பஸ்சுக்காக காத்்திருந்த பெண் பயணி மீது மோதி விட்டு, பஸ் நிலைய வளாகத்தில் உள்ள தூண் மற்றும் டீக்கடையில் மோதி நின்றது. இதனை கண்ட பயணிகள் அதிர்ச்சியடைந்தனர். பஸ்சுக்காக காத்திருந்த உப்புபட்டியை சேர்ந்த வளர்மதி (வயது 40) பலத்தகாயமடைந்தார். அவர் சிகிச்சைக்காக அரசு மருத்துவமனையில் அனுமதிக்கப்பட்டார்.
பெரும் விபத்து தவிர்ப்பு
இந்த விபத்தில் பஸ் நிலைய வளாகத்தில் உள்ள தூண், டீக்கடை மற்றும் அதன் அருகே உள்ள இனிப்பக கடையில் இருந்த பொருட்களும் சேதமடைந்தன. பஸ் மோதிய வேகத்தில் கான்கிரீட் தூண் சேதமடைந்து வளைந்தது. பஸ்சின் முன்பக்க கண்ணாடி உடைந்து சேதமடைந்தது. அந்த பஸ் நிறுத்துமிடத்திலும், டீக்கடையிலும் பயணிகள் கூட்டம் இல்லாததால் அதிர்ஷ்டவசமாக பெரும் விபத்து தவிர்க்கப்பட்டது.
இந்த விபத்து குறித்து தகவல் அறிந்ததும் போக்குவரத்து துறை அதிகாரிகள், போலீசார் விரைந்து வந்தனர். மேலும் விபத்துக்குள்ளான பஸ்சை மீட்டனர். இந்த சம்பவம் குறித்து டவுன் போலீசார், போக்குவரத்து கழக அதிகாரிகள் விசாரணை நடத்தி வருகின்றனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.