அம்மாபட்டினத்தில் கொடுத்த கடனை கேட்டு தொந்தரவு செய்ததால் பெண் தற்கொலை செய்து கொண்டார். இது தொடர்பாக வட்டிக்கடைக்காரரை போலீசார் கைது செய்தனர்.
புதுக்கோட்டை மாவட்டம் மணமேல்குடியை அடுத்த அம்மாபட்டினம் வடக்கு தெருவை சேர்ந்தவர் செய்யது அபுதாகீர். இவரது மனைவி பவுசியா பேகம் (வயது 35). இதேபோல் மணமேல்குடி அந்தோணியார்புரத்தை சேர்ந்தவர் லியோ லாரன்ஸ் (45). இவர் மணமேல்குடியில் வட்டிக்கடை நடத்தி வருகிறார். இந்த நிலையில் பவுசியா பேகம், லியோ லாரன்சிடம் ரூ.18 லட்சம் கடன் வாங்கி இருந்தார். இதற்கு மாதந்தோறும் வட்டியை செலுத்தி வந்தார். இதற்கிடையில் கொரோனா ஊரடங்கு காரணமாக வட்டியை அவரால் செலுத்த முடியவில்லை. மேலும் அவர் வட்டி பணத்தை கொடுக்காமல் காலம் தாழ்த்தி வந்ததாக கூறப்படுகிறது.
இதன்காரணமாக லியோ லாரன்ஸ் கொடுத்த கடன் மற்றும் வட்டி கேட்டு அடிக்கடி பவுசியா பேகத்தை தொந்தரவு செய்து வந்துள்ளார். இதில் மனம் உடைந்த அவர் வீட்டிலிருந்த எலிமருந்தை (விஷம்) சாப்பிட்டு விட்டு மயங்கி கிடந்தார். இதைகண்ட அவரது கணவர் பவுசியா பேகத்தை மீட்டு சிகிச்சைக்காக மணமேல்குடி அரசு மருத்துவமனைக்குகொண்டு சென்றார். அங்கு சிகிச்சை பலனின்றி அவர் பரிதாபமாக இறந்தார்.
இதுகுறித்து செய்யது அபுதாகீர் மணமேல்குடி போலீசில் புகார் கொடுத்தார். அதன்பேரில் போலீசார் வழக்குப்பதிவு செய்து வட்டிக்கடைக்காரர் லியோ லாரன்சை கைது செய்தனர். மேலும் இது தொடர்பாக தொடர்ந்து விசாரணை நடத்தி வருகின்றனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.