கறம்பக்குடி தாலுகா அலுவலகம் முன்பு கிராம நிர்வாக அலுவலர்கள் 2 பிரிவாக தனித்தனியே ஆர்ப்பாட்டத்தில் ஈடுபட்டதால் பரபரப்பு ஏற்பட்டது.
கிராம நிர்வாக அலுவலர்கள் ஆர்ப்பாட்டம்
புதுக்கோட்டை மாவட்டம், கறம்பக்குடி கிராம நிர்வாக அலுவலராக இருந்த அண்ணாத்துரை சமீபத்தில் இடமாறுதல் செய்யப்பட்டார். இதற்கு கிராம நிர்வாக அலுவலர்களில் ஒரு தரப்பினர் எதிர்ப்பு தெரிவித்தனர். ஆனால் மற்றொரு தரப்பினர் நிர்வாக ரீதியில் கோட்டாட்சி தலைவரின் நடவடிக்கைக்கு தாசில்தாரை பொறுப்பாக்க கூடாது என கூறி ஆதரவு தெரிவித்து இருந்தனர். இதனால் கறம்பக்குடி கிராம நிர்வாக அலுவலர் சங்கத்தினரிடம் கருத்து வேறுபாடு நிலவி வந்தது. இந்நிலையில் தமிழ்நாடு கிராம நிர்வாக அலுவலர் சங்க கறம்பக்குடி வட்ட கிளையின் சார்பில் ஊழியர் விரோத போக்கை கண்டித்தும், கறம்பக்குடி தாசில்தாருக்கு எதிர்ப்பு தெரிவித்தும் தாலுகா அலுவலகம் முன்பு கண்டன ஆர்ப்பாட்டம் நடைபெற்றது. இந்த ஆர்ப்பாட்டத்திற்கு வட்ட கிளை தலைவர் பழனிவேல் தலைமை தாங்கினார். இதில் சங்க நிர்வாகிகள் மற்றும் கிராம நிர்வாக அலுவலர்கள் கலந்து கொண்டு கோரிக்கைகளை வலியுறுத்தி கோஷம் எழுப்பினர்.
மற்றொரு ஆர்ப்பாட்டம்
இதேவேளையில் கிராம நிர்வாக அலுவலர் சங்கத்தின் மற்றொரு பிரிவினர் கிராம நிர்வாக அலுவலர்கள் தவறாக வழிநடத்தப்படுவதாகவும், கறம்பக்குடி கிராம நிர்வாக அலுவலர் பாலசந்தரை பொறுப்பு அலுவலராக மாற்றும் முயற்சிக்கு எதிர்ப்பு தெரிவித்தும் ஆர்ப்பாட்டத்தில் ஈடுபட்டனர். இந்த ஆர்ப்பாட்டத்திற்கு கிராம நிர்வாக அலுவலர் செல்லத்துரை தலைமை தாங்கினார். இதில் கிராம நிர்வாக அலுவலர்கள் சிலர் கலந்து கொண்டனர்.
ஒரே நேரத்தில் கிராம நிர்வாக அலுவலர்கள் ஆதரவு, எதிர்ப்பு என 2 பிரிவாக ஆர்ப்பாட்டம் செய்ததால் அப்பகுதியில் பரபரப்பு ஏற்பட்டது
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.