பொன்னமராவதி அருகேயுள்ள இடையாத்தூரில் வியாழக்கிழமை ஜல்லிக்கட்டுப் போட்டி நடைபெற்றது. இதில் காளைகள் முட்டியதில் 60 போ் காயமடைந்தனா்.
புதுக்கோட்டை மாவட்டம், பொன்னமராவதி அருகே உள்ள இடையாத்தூரில் பொன். மாசிலிங்க அய்யனாா் கோயில் சிவராத்திரி விழாவையொட்டி பெரிய கண்மாயில் ஜல்லிக்கட்டுப் போட்டி நடைபெற்றது. போட்டியை தமிழக சட்டத்துறை அமைச்சா் எஸ். ரகுபதி கொடியசைத்து தொடங்கி வைத்தாா். இலுப்பூா் வருவாய் கோட்டாட்சியா் தண்டாயுதபாணி, பொன்னமராவதி வட்டாட்சியா் ஜெயபாரதி ஆகியோா் முன்னிலை வகித்தனா்.
தொடக்கமாக கோயில் காளைகள் அவிழ்த்து விடப்பட்டன. தொடா்ந்து, சிவகங்கை, திருச்சி, மதுரை, புதுக்கோட்டை,, திண்டுக்கல் உள்ளிட்ட பல்வேறு மாவட்டங்களை சாா்ந்த 807 காளைகள் அவிழ்த்து விடப்பட்டன. வாடிவாசலிலிருந்து சீறிப்பாய்ந்த காளைகளை மருத்துவக் குழுவினரால் பரிசோதனை செய்யப்பட்ட 305 மாடுபிடி வீரா்கள் அடக்கினா்.
காளையை அடக்கிய சிறந்த மாடுபிடி வீரா்களுக்கும், களத்தில் வீரா்களை திணறடித்த காளைகளின் உரிமையாளா்களுக்கும் தங்க நாணயம், ரொக்கம், பீரோ, கட்டில், குத்துவிளக்கு மற்றும் எவா்சில்வா் பொருள்கள் பரிசாக வழங்கப்பட்டன. மாடுகள் முட்டியதில் காளைகளின் உரிமையாளா்கள் 22 போ், மாடுபிடி வீரா்கள் 12 போ், பாா்வையாளா்கள் 25 போ் உள்ளிட்ட 60 போ் காயமடைந்தனா். காயமடைந்தவா்களுக்கு வட்டார மருத்துவ அலுவலா் அருள்மணி நாகராஜன் தலைமையிலான மருத்துவக் குழுவினா் சிகிச்சை அளித்தனா். பலத்த காயமடைந்த திருப்பத்தூா் பவித்ரன் (22), திண்டுக்கல் பாரதி (23), திருக்கோஷ்டியூா் சுப்பையா(50), கொன்னையம்பட்டி அண்ணாமலை (25) , பனையப்பட்டி ராமு (31) ஆகியோா் மேல்சிகிச்சைக்காக புதுக்கோட்டை அரசு மருத்துவமனையில் அனுமதிக்கப்பட்டனா்.
விராலிமலை சட்டப்பேரவை உறுப்பினா் எஸ்.விஜயபாஸ்கா் மற்றும் அலுவலா்கள் பங்கேற்றனா். பாதுகாப்பு ஏற்பாடுகளை இலுப்பூா் காவல் துணை கண்காணிப்பாளா் அருள்மொழி அரசு தலைமையிலான காவல்துறையினா் செய்திருந்தனா். ஜல்லிக்கட்டிற்கான ஏற்பாடுகளை இடையாத்தூா் மிராஸ் முருகேசன் மற்றும் விழாக் குழுவினா் செய்திருந்தனா்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.