சவுதி அரேபிய தலைநகர் ரியாத்தில் உணர்வில் சிக்கி கோமா நிலைக்கு சென்ற ராமநாதபுரத்தை சேர்ந்த முக்கூரான் முருகவேலை இந்திய தூதரக உதவியுடன் ரியாத் தமிழ் சங்கத்தினர் சென்னைக்கு அனுப்பி வைத்தனர்.
வளைகுடா நாடுகளில் ஒன்றான சவுதி அரேபியாவில் லட்சக்கணக்கான இந்தியர்கள் பணி நிமித்தமாக தங்கி இருக்கின்றனர்.
குறிப்பாக தமிழர்கள், மலையாளிகள், வங்காளிகள் பலர் உயர்மட்ட பணி தொடங்கி ஓட்டுநர், கட்டிடப் பணி போன்றவற்றிலும் ஈடுபட்டு வருகின்றனர்.
ராமநாதபுரத்தைச் சேர்ந்தவர் முக்கூரான் முருகவேல்(49). இவர் சவுதி அரேபியாவின் தலைநகர் ரியாத் நகரில் பணிபுரிந்து வந்து உள்ளார். கடந்த ஆண்டு எதிர்பாராத விதமாக ஏற்பட்ட ஒரு விபத்தில் சிக்கினார் முருகவேல். உடனடியாக மருத்துவமனையில் அனுமதிக்கப்பட்ட முருகவேல், கோமா நிலைக்கு சென்றார்.
முக்கூரான் முருகவேல் விபத்தில் சிக்கி கோமா நிலைக்கு சென்ற தகவலும் குடும்பத்தினருக்கு தெரிவிக்கப்பட்டது. குடும்பத்தின் வறுமை நிலை காரணமாகவே நாடு கடந்து உறவினர்களை பிரிந்து முக்கூரான் முருகவேல் சவுதி அரேபியா சென்றார். அவரை கோமா நிலையில் இந்தியாவுக்கு வரவழைத்து சிகிச்சையளிக்க அதிக செலவாகும் என்று அஞ்சிய குடும்பத்தினர் குணமானதும் அனுப்பி வையுங்கள் என்று கூறி இருக்கின்றனர்.
மதம் கடந்து தோள் கொடுத்த தமிழர்கள்
குடும்பத்தினரின் நிலையை புரிந்துகொண்ட ரியாத் தமிழ் சங்கத்தின் நிர்வாகி ஜமால்சேட் குழுவினருடன் இணைந்து முயற்சி எடுத்து சவுதி அரேபியாவில் உள்ள மன்னர் அப்துல் அஸீஸ் மருத்துவ வளாகத்தில் முக்கூரான் முருகவேலை அனுமதித்தார். பின்னர் குடும்பத்தினரிடம் அனுமதி பெற்று அவரை சென்னை அனுப்பி வைக்கும் முயற்சியில் ஈடுபட்டனர்.
நிதியுதவி செய்த ரியாத் வாழ் சங்கத்தினர்
இதுகுறித்து இந்திய தூதரகத்தின் உதவியை நாடிய ரியாத் தமிழ் சங்க நிர்வாகிகள், சொந்தமாக பணம் செலவழித்து மருத்துவக் குழுவினருடன் சென்னைக்கு விமானத்தில் முக்கூரான் முருகவேலை அனுப்பி வைத்தனர். முதற்கட்டமாக, சென்னை ராஜீவ்காந்தி அரசு மருத்துவமனையில் அனுமதிக்கப்பட்டு ஒரு வாரம் சிகிச்சை பெற்ற முக்கூரான் முருகவேல், மதுரை மருத்துவமனைக்கு மாற்றப்பட்டு உள்ளார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.