அறந்தாங்கி கூடைப்பந்தாட்ட கழகம் சார்பில் ஆண்டு தோறும் கோடைகால கூடைப்பந்தாட்ட பயிற்சி முகாம் நடத்தப்பட்டு வருகிறது. தொடர்ந்து 17-வது ஆண்டாக நடைபெற்று வரும் முகாமில், பள்ளி மாணவ, மாணவிகள், விளையாட்டு வீரர்கள் கலந்து கொண்டு பயிற்சி பெற்றனர். கடந்த மாதம் 16-ந் தேதி தொடங்கிய பயிற்சி முகாம் தொடர்ந்து 30 நாட்கள் நடைபெற்று நேற்று முன்தினம் நிறைவு பெற்றது. காலை, மாலை என இரு வேளை நடைபெற்ற பயிற்சியில் 115-க்கும் மேற்பட்ட மாணவ, மாணவிகள் கலந்து கொண்டு பயிற்சி பெற்றனர். பயிற்சி முகாமின் நிறைவு தினத்தையொட்டி கூடைப்பந்தாட்ட கழகம் சார்பில் நடந்த விழாவில் சுற்றுச்சூழல், விளையாட்டுத்துறை அமைச்சர் மெய்யநாதன் கலந்து கொண்டு பயிற்சி பெற்ற மாணவ-மாணவிகளுக்கு சான்றிதழ்களை வழங்கி பாராட்டினார். அப்போது அவர் பேசுகையில், எதிர்காலத்தில் வலிமையான சமூகமாக, தீங்கில்லாத சமூகமாக உருவாக, மாணவ செல்வங்கள் விளையாட்டுகளில் ஈடுபட வேண்டும். விளையாட்டுகளில் ஈடுபடும் மாணவ-மாணவிகளின் உடல் ஆரோக்கியமடைவதோடு, தீய பழக்க வழக்கங்களில் ஈடுபடுவது தவிர்க்கப்படுகிறது. அறந்தாங்கி கூடைப்பந்தாட்ட கழகம் சார்பில் அரசு ஆண்கள் மேல்நிலைப்பள்ளி விளையாட்டு மைதானத்தில் கூடைப்பந்தாட்ட பயிற்சி நடத்தப்பட்டு வருகிறது. அதனை பார்வையாளர்கள் அமர்ந்து பார்ப்பதற்கு இருக்கை வசதி உள்ளிட்ட அடிப்படை வசதிகள் செய்து தரப்படும் என்று கூறினார். இதில் நகர்மன்றத் தலைவர் ஆனந்த், நகர்மன்ற உறுப்பினர்கள், மாவட்ட கூடைப்பந்தாட்ட கழக தலைவர் தாயுமானவன் மற்றும் மாணவ, மாணவிகள், பெற்றோர்கள் ஏராளமானோர் கலந்து கொண்டனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.