பொன்னமராவதி அருகே தொண்டைமான் மன்னர்-ஆங்கிலேயர் இடையே எல்லை அமைத்தது தொடர்பான கல்வெட்டு கண்டெடுக்கப்பட்டது.
கல்வெட்டு கண்டெடுப்பு
புதுக்கோட்டை மாவட்டம், பொன்னமராவதி வட்டம் நகரப்பட்டி உடைகுளம் வயலில் ஆங்கிலேயர்-தொண்டைமான் மன்னர் இடையே எல்லை அமைத்தது தொடர்பான கல்வெட்டு இருந்துள்ளது. இதனை செவலூர் ஆரம்பப்பள்ளி தலைமை ஆசிரியர் சரவணன் அளித்த தகவலின்பேரில், புதுக்கோட்டை தொல்லியல் ஆய்வுக்கழக நிறுவனர் மணிகண்டன், தலைவர் ராஜேந்திரன் ஆகியோர் மேற்கொண்ட கள ஆய்வில் கண்டெடுக்கப்பட்டுள்ளது.
இதுகுறித்து தொல்லியல் ஆய்வுக்கழக நிறுவனர் மணிகண்டன் கூறுகையில், ''புதுக்கோட்டை தொண்டைமான் மன்னர்கள் மற்றும் ஆங்கிலேயர் இடையே இணக்கமான உறவு இருந்தது. இதனால் இந்திய ஆட்சிப்பிரதேசத்தில் புதுக்கோட்டை சமஸ்தானம் செயல்பட ஆங்கிலேய அரசு அனுமதித்திருந்தது. தொண்டைமான் ஆட்சிப்பகுதி எல்லை உள்ளிட்டவற்றை தெளிவாக வகுத்ததன் மூலம் எவ்வித முரண்பாடுகளுக்கும் இடம் கொடுக்காமல் இரு தரப்பு அரசுகளும் செயலாற்றியதை தற்போது கண்டெடுக்கப்பட்டுள்ள கல்வெட்டு வெளிப்படுத்துகிறது.
இணக்கமான சூழல்
இந்த கல்வெட்டில் பொறிக்கப்பட்டுள்ள செய்தி குறிப்பின்படி 1822-ம் ஆண்டு மதுரை கலெக்டர் மேஸ்தர் சுபிதார் என்பவரின் உத்தரவின்படி திருச்சி மாவட்டம், மருங்காபுரி தாலுகாவை சேர்ந்த கலிங்கப்பட்டி கிராமத்திற்கும், புதுக்கோட்டை தொண்டைமான் மன்னர் ஆட்சி பகுதியில் உள்ள கல்லம்பட்டி கிராமத்திற்கும் எல்லை நிர்ணயம் செய்து எல்லை கல் நடப்பட்டதாக தெரிவிக்கிறது. புதுக்கோட்டை தொண்டைமான் மன்னர்களுக்கும், ஆங்கிலேயர்களுக்கும் இணக்கமான சூழல் இருந்ததையும் ராஜா விஜய ரகுநாத ராய தொண்டைமான் (1807-1825) ஆட்சி காலத்தின் போது இக்கல்வெட்டு நடப்பட்டுள்ளது என்பதையும் வெளிப்படுத்துகிறது'' என்றார். இந்த கள ஆய்வின் போது உள்ளூர் பிரமுகர்கள் உடனிருந்தனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.