‘அம்ரீத்’ திட்டத்தில் புதுகை ரயில் நிலையம் தோ்வு!

மத்திய ரயில்வே துறையின் சாா்பில் ரயில் நிலையங்களை நவீனமயமாக்கும் ‘அம்ரீத்’ திட்டத்தில் புதுக்கோட்டை ரயில் நிலையமும் தோ்வு செய்யப்பட்டிருக்கிறது.

புதுக்கோட்டை வருவாய் மாவட்டத்தின் தலைமையிடத்திலுள்ள புதுக்கோட்டை ரயில் நிலையம், திருச்சி- சிவகங்கை வழித்தடத்தில் அமைந்துள்ளது. இந்த ரயில் நிலையத்தை தினமும் சராசரியாக 18 ரயில்கள் கடந்து செல்கின்றன.

வேலைக்காக காரைக்குடி மற்றும் திருச்சிக்கு சென்று திரும்புவோா் அதிகம். இத்துடன் மதுரை, குமரி, செங்கோட்டை, சென்னை, கோவை, பெங்களூரு, ஹுப்ளி , புவனேஸ்வரம், புதுச்சேரி போன்ற முக்கிய நகரங்களுக்கும் புதுக்கோட்டையிலிருந்து நேரடி ரயில்கள் உள்ளன.

இத்தனை முக்கியத்துவம் பெற்ற ரயில் நிலையத்தின் மூன்று நடைமேடைகளிலுள்ள எந்தக் குடிநீா்க் குழாயிலும் தண்ணீா் வருவதில்லை. பயணிகளுக்கான சிற்றுண்டியகம் இல்லை. அவசரத்துக்கு குடிநீா் பாட்டில், தேநீா் கூட கிடைக்காது.

முதல் நடைமேடையின் ஓரத்தில் அமைக்கப்பட்ட பாதுகாப்புச் சுவா் பெரும்பாலும் சேதமடைந்திருக்கிறது. சேதமடைந்த பகுதிகளில் முள்புதா்கள் நிறைந்துள்ளன. ரயில் நிலையத்துக்கு வெளியே என்எல்சி நிறுவனத்தின் சமூகப் பொறுப்புணா்வுத் திட்டத்தில் அமைக்கப்பட்ட கழிப்பறைகளும், அதேபோல ஏடிஎம் சேவைக்காக கட்டப்பட்ட இரு அறைகளும் பூட்டியே கிடக்கின்றன.

இந்தச் சூழலில்தான் மத்திய அரசு நாடு முழுவதும் ஆயிரத்துக்கும் மேற்பட்ட ரயில் நிலையங்களை நவீனப்படுத்தும் ‘அம்ரீத்’ திட்டத்தை அறிவித்திருக்கிறது. இதில் தமிழ்நாட்டில் இருந்து தோ்வு செய்யப்பட்டுள்ள 60 ரயில் நிலையங்களில் ஒன்றுதான் புதுக்கோட்டை ரயில் நிலையம்.

அம்ரீத் திட்டத்தில் நடைமேடையின் நீளத்தை அதிகரித்தல், இலவச வைபை இணைய வசதி, நவீன உணவகம், போதுமான சாலை வசதி, பயணிகள் தங்கும் வசதி உள்ளிட்டவற்றை மேற்கொள்ளவுள்ளனா்.

பெட்டிச் செய்தி...

ரூ. 20 கோடி வரை கிடைக்கும்!

இத்திட்டம் குறித்து மாநிலங்களவை உறுப்பினா் எம்எம். அப்துல்லா கூறியது:

‘அம்ரீத்’ திட்டத்துக்காக முதலில் தயாரிக்கப்பட்ட பட்டியலில் புதுக்கோட்டை இல்லை. பிறகு நான் ரயில்வே வாரியத்திடம் வலியுறுத்தி புதுக்கோட்டையை அப்பட்டியலில் சோ்த்தேன்.

ரூ. 10 முதல் ரூ. 20 கோடி வரை இத்திட்டத்தில் கொடுக்கப்பட இருக்கிறது. இத்தொகை அந்தந்த ரயில் நிலையங்களின் தேவையைப் பொருத்தது.

வேலையைத் தொடங்கினால் ஒன்றரை ஆண்டுகளில் முடிப்பதாகவும் உறுதி கொடுத்திருக்கிறாா்கள். முடிந்தவரை கூடுதல் நிதி பெற்று அனைத்துத் தேவைகளையும் பூா்த்தி செய்வோம். பட்டியலிடப்பட்ட ரயில் நிலையங்களை ஆய்வு செய்யும் பணிகள் நடைபெற்று வருவதால் விரைவில் புதுக்கோட்டை ரயில் நிலையம் நவீனமாகும் என்றாா் அப்துல்லா.

*‘அமிர்த் பாரத் ஸ்டேஷன் திட்டம்’ என்றால் என்ன?*

நாடு முழுவதும் உள்ள ரயில் நிலையங்களை நவீனமயமாக்க ரயில்வே அமைச்சகம் ‘அமிர்த் பாரத் ஸ்டேஷன் திட்டம்’ என்ற புதிய திட்டத்தை அறிமுகப்படுத்தியுள்ளது. இத்திட்டம் 1,000க்கும் மேற்பட்ட நிலையங்களின் உள்கட்டமைப்பு மேம்பாட்டை நீண்ட கால நோக்குடன் தொடர்ச்சியாக வழங்குகிறது.

ரயில் நிலையங்களின் தேவைகள் மற்றும் பயணிகள்  பயன்பாடு  அடிப்படையில் புதிய திட்டம் செயல்படுத்தப்படும். இந்தத் திட்டம், மாஸ்டர் பிளான்களைத் தயாரித்து, நீண்ட காலத்திற்கு ரயில் நிலையத்தில் கூரை பிளாசாக்கள் மற்றும் நகர மையங்களை உருவாக்குவதற்கான கட்டங்களாக அதைச் செயல்படுத்துவதை அடிப்படையாகக் கொண்டது.

புதிய திட்டத்தின் கீழ், பல்வேறு வகையான காத்திருப்பு அறைகளை ஒன்றிணைத்து பயணிகளின் வசதிகளை மேம்படுத்தவும், முடிந்தவரை நல்ல சிற்றுண்டிச்சாலை மற்றும் வசதிகளை வழங்கவும் முயற்சிகள் மேற்கொள்ளப்படுகின்றன.

நன்கு திட்டமிடப்பட்ட வாகன நிறுத்துமிடங்கள், ஒழுங்காக வடிவமைக்கப்பட்ட பலகைகள், மேம்படுத்தப்பட்ட விளக்குகள், தேவையற்ற கட்டமைப்புகளை அகற்றுதல், பிரத்யேக பாதசாரி பாதைகள், சாலைகளை விரிவுபடுத்துதல் போன்றவற்றால் நிலைய வளாகம் மேம்படுத்தப்படும்.

அமிர்த பாரத் நிலையத் திட்டத்தின் கீழ் பணியின் நோக்கம்:-

➽நடைமேடைகள் மேடைகள்:-

அனைத்து வகை ரயில் நிலையங்களிலும் உயர்மட்ட நடைமேடைகள் (760 முதல் 840 மிமீ) அமைக்கப்படும். பொதுவாக, மேடைகளின் நீளம் 600மீ. நடைமேடை பகுதியின் வடிகால் வசதிக்கு சிறப்பு முக்கியத்துவம் அளிக்கப்படும். வடிகால்கள் அழகிய முறையில் வடிவமைக்கப்பட்ட திருட்டு எதிர்ப்பு உறைகளால் மூடப்படும்.

➽வைஃபை/இன்டர்நெட்:-

மாஸ்டர் பிளானில் அதன் பயனர்களுக்கு இலவச வைஃபை அணுகலை வழங்குவதற்கான ஏற்பாடு உள்ளது. இந்த திட்டத்தில் 5G டவர்களுக்கான பொருத்தமான இடங்களும் அடங்கும்.

➽காத்திருப்பு அறைகள், பிளாட்பாரங்கள், ஓய்வு பெறும் அறைகள், அலுவலகங்கள் ஆகியவற்றில் இருக்கும் மரச்சாமான்கள் மதிப்பாய்வு செய்யப்பட்டு தேவைப்பட்டால் மேலும் வசதியான மற்றும் நீடித்த மரச்சாமான்கள் போடப்படும்.

➽திவ்யாஞ்சனுக்கான வசதிகள்:-

ரயில் நிலையங்களில் திவ்யாஞ்சனுக்கான வசதிகள் ரயில்வே வாரியம் அவ்வப்போது வெளியிடும் விதிமுறைகள் மற்றும் விதிமுறைகளின்படி இருக்கும். அனைத்து வகை நிலையங்களிலும் திவ்யாங்ஜனுக்கு போதிய எண்ணிக்கையிலான கழிப்பறைகள் வழங்கப்பட வேண்டும். கழிப்பறைகள் எளிதாகக் காணக்கூடியதாகவும், அணுகக்கூடியதாகவும், ஸ்டேஷன் பயன்பாட்டிற்கு ஏற்றதாகவும் கட்டப்படும்.

எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...

Facebook: https://www.facebook.com/GpmMedia/

Twitter: https://twitter.com/GpmMedia

Instagram: https://www.instagram.com/gpmmedia/

Youtube: https://www.youtube.com/c/GpmMedia

புதுக்கோட்டை மாவட்ட செய்திகளை வாட்ஸ் அப்பில் தெரிந்து கொள்ள எங்களது GPM மீடியா குழுமத்தில் இணைந்து கொள்ளுங்கள்... (கிளிக்) 

புதுக்கோட்டை மாவட்ட செய்திகளை டெலி கிராமில் தெரிந்து கொள்ள எங்களது GPM மீடியா குழுமத்தில் இணைந்து கொள்ளுங்கள்..(கிளிக்)