கச்சத்தீவு பகுதியில் மீன் பிடித்து கொண்டிருந்த ராமநாதபுரம் மாவட்டத்தைச் சேர்ந்த 6 மீனவர்களை, இலங்கை கடற்படையினர் கடந்த மாதம் 22-ந் தேதி கைது செய்தனர். அவர்களை விடுவிக்க நடவடிக்கை எடுக்க மத்திய, மாநில அரசுகளுக்கு உத்தரவிடக்கோரி, சென்னை ஐகோர்ட்டில் மீனவர் பாதுகாப்பு அமைப்பின் தலைவர் பீட்டர் ராயன் வழக்கு தொடர்ந்துள்ளார்.
இந்த வழக்கு தலைமை நீதிபதி எஸ்.வி.கங்காபுர்வாலா, நீதிபதி டி.பரதசக்கரவர்த்தி ஆகியோர் கொண்ட முதல் பெஞ்சில் நேற்று விசாரணைக்கு வந்தது.
அப்போது மனுதாரர் தரப்பில் வக்கீல் மவுரியா ஆஜராகி வாதிட்டார். அவர் தன் வாதத்தில், ‘கச்சத்தீவை இலங்கைக்கு கொடுக்கும்போது இந்தியாவுடன் செய்துகொண்ட ஒப்பந்தத்தை இலங்கை அரசு மீறி செயல்படுகிறது. இந்த ஒப்பந்தத்தின்படி கச்சத்தீவில் மீன்பிடிக்க இந்திய மீனவர்களுக்கு உரிமை உள்ளது. ஆனால், கச்சத்தீவு பகுதிக்கு செல்லும் தமிழ்நாடு மீனவர்களை இலங்கை கடற்படையினர் கைது செய்வது தொடர்கதையாக இருந்து வருகிறது.
தற்போது 23 மீனவர்கள் இலங்கை கடற்படையால் கைது செய்யப்பட்டு உள்ளனர். இந்த மீனவர்களை மீட்க தூதரக அளவில் நடவடிக்கை எடுக்க மத்திய அரசுக்கு உத்தரவிட வேண்டும். அதேபோல கச்சத்தீவு பிரச்சினைக்கு நிரந்தர தீர்வுகாண மத்திய, மாநில அரசுகள் இணைந்த கூட்டுக்குழுவை அமைக்கவும் உத்தரவிட வேண்டும்' என்று வாதிட்டார்.
அப்போது தமிழ்நாடு அரசு தரப்பில் ஆஜரான அட்வகேட் ஜெனரல் பி.எஸ்.ராமன், ‘இலங்கை கடற்படையால் கைது செய்யப்பட்டுள்ள மீனவர்களை விடுவிக்க நடவடிக்கை எடுக்கக்கோரி மத்திய அரசுக்கு முதல்-அமைச்சர் மு.க.ஸ்டாலின் கடிதம் எழுதியுள்ளார். கைது செய்யப்பட்ட மீனவர்களின் குடும்பத்துக்கு நாள் ஒன்றுக்கு ரூ.250 உதவித்தொகையாக வழங்கப்பட்டு வருகிறது' என்றார்.
மத்திய அரசு தரப்பில் ஆஜரான துணை சொலிசிட்டர் ஜெனரல் ராஜேஷ் விவேகானந்தன், ‘மீனவர்களை மீட்க தூதரக அளவில் நடவடிக்கை எடுக்கப்பட்டு வருகிறது. இந்த வழக்கு தொடர்பாக விளக்கம் அளிக்க அவகாசம் அளிக்க வேண்டும்' என்றார்.
இதை ஏற்றுக்கொண்ட நீதிபதிகள், ‘கச்சத்தீவு பகுதியில் மீன் பிடிக்கும் தமிழ்நாடு மீனவர்களை இலங்கை கடற்படையினர் கைது செய்வது தொடர் நிகழ்வாக இருந்து வருவதால் அதை தடுக்க ஏன் ஆக்கப்பூர்வமான நடவடிக்கைகளை எடுக்கவில்லை?' என்று மத்திய அரசுக்கு கேள்வி எழுப்பினர். பின்னர் இதுதொடர்பாக மத்திய, மாநில அரசுகள் விரிவாக விளக்கம் அளிக்க வேண்டும் என்று உத்தரவிட்டு விசாரணையை மார்ச் 11-ந் தேதிக்கு தள்ளிவைத்தனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.