தொடரும் கடத்தல் சம்பவங்கள்
ராமேசுவரத்திற்கு மிக அருகாமையில் உள்ளது இலங்கை கடல் பகுதி. இதனை பயன்படுத்தி சிலர் ராமேசுவரம் தனுஷ்கோடி கடல் பகுதி வழியாக அவ்வப்போது இலங்கைக்கு படகு மூலம் பீடி இலை, பீடி பண்டல், மஞ்சள், கஞ்சா, போதை பவுடர், மருந்துகள் உள்ளிட்ட பல்வேறு பொருட்களை கடத்தி செல்வதும் தொடர்கிறது. இதேபோல் இலங்கையில் இருந்து கடத்தல்காரர்கள் படகு மூலம் தங்க கட்டிகளை கடத்தி வருகின்றனர்.
அதுபோல் ராமேசுவரம் தனுஷ்கோடி கடல் வழியாக நாட்டுப்படகு ஒன்றில் கடத்தல்காரர்கள் இலங்கைக்கு மூன்று பெரிய பார்சல்களில் கடத்தல் பொருட்களை கடத்தி கொண்டு சென்றுள்ளனர். அப்போது நடுக்கடலில் வைத்து இந்திய கடலோர காவல் படை கப்பலை கண்டதும் அந்த மூன்று பார்சல்களையும் கடத்தல்காரர்கள் கடலில் வீசி படகுடன் தப்பிவிட்டனர். கடத்தல் பொருள் அடங்கிய பார்சல்கள் கடலில் வீசப்படுவதை படகில் இருந்த கடத்தல்காரர்களில் ஒருவர் வீடியோ பதிவு செய்துள்ளார். இந்த வீடியோவானது ராமேசுவரம் உளவு பிரிவு போலீசாருக்கு கிடைத்துள்ளது.
வாகன சோதனை
இந்த நிலையில் கடத்தல் சம்பவங்களை தடுக்கும் வகையில் கடலோர பாதுகாப்பு குழும போலீஸ் சூப்பிரண்டு ஹரிகிரண் பிரசாத் உத்தரவின் பேரில் நேற்று ஆற்றங்கரை போலீஸ் நிலையத்திற்கு உட்பட்ட பகுதிகளில் கடலோர போலீசார் தீவிர வாகன சோதனையில் ஈடுபட்டு வருகின்றனர். ஆற்றங்கரை கடலோர போலீஸ் நிலைய சப்-இன்ஸ்பெக்டர் தாரிக் தலைமையில் கடலோர போலீசார் ஆட்டோ, சரக்கு வாகனம் உள்ளிட்ட அனைத்து வாகனங்களையும் நிறுத்தி சோதனை செய்தனர்.
கடத்தல் பொருட்கள் ஏதேனும் வாகனங்களில் கொண்டு செல்லப்படுகின்றதா என்பது குறித்தும் சோதனை செய்தனர். கடத்தல் சம்பவங்களை தடுக்கவே இந்த சோதனை நடைபெற்று வருவதாகவும் கடலோர போலீசார் தெரிவித்தனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.