புதுக்கோட்டை மாவட்டத்தில் பிளஸ்-1 பொதுத்தேர்வில் 88.02 சதவீதம் பேர் தேர்ச்சி பெற்றனர். மாணவர்களை விட மாணவிகள் அதிகம் தேர்ச்சி பெற்றுள்ளனர்.
88.02 சதவீதம் பேர் தேர்ச்சி
தமிழகத்தில் நடந்து முடிந்த பிளஸ்-1 பொதுத்தேர்வு முடிவுகள் நேற்று காலை இணையதளத்தில் வெளியிடப்பட்டன. மேலும் மாணவ-மாணவிகளின் செல்போன் எண்ணிற்கு குறுந்தகவலாக அனுப்பி வைக்கப்பட்டன. தேர்வு முடிவுகள் வெளியானதும் மாணவ-மாணவிகள் தங்களது செல்போனில் இணையதளத்தில் ஆர்வமுடன் பார்வையிட்டனர்.
புதுக்கோட்டை மாவட்டத்தில் பிளஸ்-1 பொதுத்தேர்வை 178 பள்ளிகளை சேர்ந்த 9 ஆயிரத்து 818 மாணவர்களும், 11 ஆயிரத்து 266 மாணவிகளும் என மொத்தம் 21 ஆயிரத்து 84 பேர் எழுதினர்.
இதில் 8 ஆயிரத்து 132 மாணவர்களும், 10 ஆயிரத்து 426 மாணவிகளும் என மொத்தம் 18 ஆயிரத்து 558 பேர் தேர்ச்சி பெற்றனர். மொத்த தேர்ச்சி விகிதம் 88.02 சதவீதம் ஆகும். கடந்த ஆண்டு 86.99 சதவீதம் பேர் தேர்ச்சி பெற்றிருந்தனர். இதனை ஒப்பிடுகையில் இந்த ஆண்டு தேர்ச்சி விகிதம் 1.03 சதவீதம் அதிகரித்துள்ளது.
அரசு பள்ளிகள்
பிளஸ்-1 பொதுத்தேர்வு முடிவுகள் வெளியானதில் தர வரிசையில் மாநில அளவில் புதுக்கோட்டை மாவட்டம் 29-வது இடம் பிடித்தது. கடந்த ஆண்டு 30-வது இடத்தில் இருந்தது. தற்போது தேர்ச்சி விகிதம் அதிகரித்ததால் பட்டியலில் முன்னேற்றமடைந்தது. புதுக்கோட்டை மாவட்டத்தில் 178 பள்ளிகளில் 6 அரசு பள்ளிகள் உள்பட 39 பள்ளிகள் 100 சதவீதம் தேர்ச்சி பெற்றன.
அரசு பள்ளிகளில் புதுக்கோட்டை மாவட்ட அரசு மாதிரி பள்ளி, தாந்தாணி அரசு மேல்நிலைப்பள்ளி, பெருமருதூர் அரசு மேல்நிலைப்பள்ளி, தாஞ்சூர் அரசு மேல்நிலைப்பள்ளி, அரிமளம் அரசு பெண்கள் மேல்நிலைப்பள்ளி, லெம்பலக்குடி அரசு மேல்நிலைப்பள்ளி ஆகிய 6 அரசு பள்ளிகள் ஆகும்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.