துர்நாற்றத்தால் அவதிப்பட்ட மக்கள்
கோபாலப்பட்டிணம் காட்டுக்குளம் அருகே பழைய காலனி செல்லும் வழியில் தெரு நாய் ஒன்று இறந்து கிடந்துள்ளது. பல நாட்களாக அது அப்புறப்படுத்தப்படாததால், உடல் அழுகி அப்பகுதி முழுவதும் கடுமையான துர்நாற்றம் வீசி வந்தது. இதனால் அந்த வழியாகச் செல்லும் பழைய காலனி பொதுமக்கள், பாதசாரிகள் மற்றும் பள்ளி மாணவர்கள் பெரும் சிரமத்திற்கு ஆளாகினர். மேலும், அப்பகுதியில் தொற்றுநோய் பரவும் அபாயமும் ஏற்பட்டது.
GPM மீடியா செய்தி வெளியீடு
இப்பிரச்சினை குறித்து அப்பகுதி சமூக ஆர்வலர்கள் சிலர் ஜி.பி.எம் GPM மீடியாவின் கவனத்திற்குக் கொண்டு வந்தனர். பொதுமக்களின் சுகாதார நலனைக் கருத்தில் கொண்டு, GPM மீடியா இது தொடர்பான செய்தியை உடனடியாக இணையத்தில் வெளியிட்டது.
ஊராட்சி செயலர் அதிரடி
செய்தி வெளியானதைத் தொடர்ந்து, ஊராட்சி மன்ற செயலாளர் உடனடியாகத் துரிதமாகச் செயல்பட்டார். சம்பவ இடத்திற்குத் தூய்மைப் பணியாளர்களை அனுப்பி, செத்து துர்நாற்றம் வீசிய தெரு நாயின் உடலை உடனடியாக அப்புறப்படுத்த நடவடிக்கை எடுத்தார்.
பொதுமக்கள் நன்றி
நீண்ட நாள் அவதிக்குச் சில மணி நேரங்களிலேயே தீர்வு காணப்பட்டதால் கோபாலப்பட்டிணம் மற்றும் பழைய காலனி பகுதி மக்கள் நிம்மதியடைந்தனர். மக்கள் நலன் கருதி செய்தி வெளியிட்ட GPM மீடியாவிற்கும், செய்திக்கு மதிப்பளித்து உடனடியாக நடவடிக்கை எடுத்த ஊராட்சி மன்ற செயலாளருக்கும், இதற்காகத் தொடர்ந்து முயற்சி மேற்கொண்ட சமூக ஆர்வலர்களுக்கும் அப்பகுதி பொதுமக்கள் தங்களது நெஞ்சார்ந்த நன்றியைத் தெரிவித்துக் கொண்டனர்.
எங்களுடன் இணைந்திருங்கள்
எங்களுடைய செய்திகளை உடனுக்குடன் தெரிந்து கொள்ள பின்தொடருங்கள்:
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.